Þroskaþjálfi- Engidalsskóli

Engidalsskóli óskar eftir að ráða þroskaþjálfa í 70% starf

Ráðið er í stöðuna frá 1. ágúst 2025

Engidalsskóli var stofnaður árið 1978, skólinn var sameinaður Víðistaðaskóla fyrir um áratug en endurheimti sjálfstæði sitt aftur haustið 2020 og er mikið uppbyggingarstarf í gangi. Skólinn er lítill og notalegur, hann sækja nemendur í 1.-7. bekk.

Áhersla er lögð á fjölbreytta kennsluhætti, teymisvinnu og velferð og vellíðan nemenda og starfsmanna. Skólinn er heilsueflandi, flaggar Grænfána og er að taka fyrstu skrefin í leiðsagnarnámi. Skólinn starfar samkvæmt Uppeldi til ábyrgðar. Við leggjum mikla áherslu á lestranám og er lestur eina heimanám nemenda. Við skólann er einstaklega skemmtileg

Leiðarljós skólans eru Ábyrgð - Virðing – Vellíðan

Nánari upplýsingar um skólann má finna á heimasíðunni www.engidalsskoli.is

Helstu verkefni og ábyrgð:

• Vinna með nemendum með þroska- og hegðunarfrávik.
• Gera áætlanir, sinna þjálfun, vinna með félagsfærni, aðlaga námsefni og námsaðstæður í samvinnu við fagfólk og foreldra.
• Starfið felur í sér ábyrgð á velferð barna í samvinnu við foreldra og fagfólk.
• Gerir einstaklingsáætlun/námsskrá fyir nemendur í samráði við aðila innan innan skólans og foreldra/forsjáraðila og aðra sem við á hverju sinni.
• Vinnur eftir stefnu skólans og samþykktir Hafnarfjarðar.
• Vinnur að þróun skólastarfs í samstarfi við stjórnendur og samstarfsfólk.
• Geta til að vinna undir álagi og aðlagast breyttum aðstæðum.

Menntunar og hæfniskröfur:

• Háskólamenntun á svið þroskaþjálfunar og starfsleyfi til að vinna sem slíkur (starfsleyfi fylgi umsókn).
• Reynsla og áhugi á að starfa með börnum og ungmennum.
• Jákvæðni og vilji til að ná árangri í starfi.
• Lipurð í samskiptum, sveigjanleiki og samstarfshæfni.
• Frumkvæði og sjálfstæði í vinnubrögðum.
• Stundvísi og samviskusemi.
• Góð íslensku kunnátta

Gerð er krafa um hreint sakavottorð við ráðningu.

Nánari upplýsingar um starfið veitir Margrét Halldórsdóttir skólastjóri, [email protected]

Umsóknarfrestur er til og með 7. apríl 2025

Greinagóð ferilskrá fylgi umsókn.

Laun eru samkvæmt kjarasamningi Sambands íslenskra sveitarfélaga og Þroskaþjálfafélags Íslands.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.