Starfsfólk í gæslu hjá Byggðasafni - sumarstarf

Auglýst er eftir starfsfólki í gæslu í sýningahúsum Byggðasafnsins. Starfstímabilið er 1. júní-31. ágúst. Um er að ræða annars vegar störf á virkum dögum með vinnutímann 11:00-17:00 og hins vegar um helgar, þar sem unnið er um aðra hvora helgi kl. 11:00-17:00, báða dagana.

Helstu verkefni eru móttaka gesta, upplýsingagjöf og öryggisgæsla auk þess sem það sér um leiðsögn og fræðslu um sýningarnar.

Helstu verkefni og ábyrgð:

• Móttaka og almenn afgreiðsla gesta auk símavörslu
• Gæsla á safnmunum í sýningarrýmum
• Sér um að sýningar séu opnar, rétt ljós kveikt og annað sem viðkemur sýningum
• Tryggir að sýningasalir séu snyrtilegir og lætur yfirmann vita ef úrbóta er þörf.

Menntunar- og hæfniskröfur:

• Reynsla af sambærilegu starfi kostur
• Samskipta- og samstarfshæfni
• Jákvætt viðmót- og þjónustulund
• Frumkvæði og sjálfstæð vinnubrögð
• Íslensku- og enskukunnátta
• Þekking á menningarsögu svæðisins kostur

Nánari upplýsingar veitir Björn Pétursson, bæjarminjavörður Hafnarfjarðar, [email protected]

Umsækjandi þarf að hafa náð 18 ára aldri.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar

Umsóknarfrestur er til og með 3. apríl 2025.

Vakin er athygli á stefnu Hafnarfjarðarbæjar um að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.