Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

About

Sérfræðingur í fjárreiðudeild – Fjármálasvið

Sérfræðingur óskast í fullt starf í fjárreiðudeild hjá Hafnarfjarðarbæ. Um er að ræða spennandi starf í krefjandi og metnaðarfullu starfsumhverfi. Í fjárreiðudeild vinna nú tveir starfsmenn auk deildarstjóra. Fjárreiðudeild er ein fimm deilda inn á fjármálasviði, hinar eru hagdeild, bókhalds- og uppgjörsdeild, launadeild og innkaupadeild. Á fjármálasviði starfa 20 starfsmenn.

Helstu verkefni og ábyrgð:

Umsjón og fyrirsvar vegna þjónustugjalda Hafnarfjarðarbæjar og fyrirtækja bæjarins
Umsjón og yfirferð skráninga frístundagjalda
Umsjón með greiðslum til umsækjenda um alþjóðlega vernd og flóttamanna
Umsjón og eftirlit með kröfum í milli- og löginnheimtu
Utanumhald og eftirlit með greiðslulausnum bæjarins
Upplýsingagjöf og ráðgjöf til stjórnenda og starfsmanna
Vinna við umbætur í rekstri og sjálfvirknivæðingu
Úrvinnsla tölfræðilegra gagna og skýrslugerð
Önnur verkefni samkvæmt starfslýsingu

Menntunar- og hæfniskröfur:

Grunnháskólamenntun (BS/BA) í viðskiptafræði, hagfræði eða sambærilegt nám
Reynsla af sambærilegu starfi
Þekking á fjárhagskerfi er skilyrði
Reynsla af Business Central (Navision) er æskileg
Góð tölvukunnátta, þ.m.t. kunnátta í Word, Excel, Power BI og geta til að tileinka sér tækninýjungar
Þekking og áhugi á stafrænni þróunarvinnu er æskileg
Góð samskipta- og samstarfshæfni
Nákvæmni í vinnubrögðum og tölugleggni
Frumkvæði, sjálfstæði og skipulagshæfni
Góð íslensku- og enskukunnátta

Nánari upplýsingar um starfið veitir Þórey Hallbergsdóttir, deildarstjóri fjárreiðudeildar, [email protected]

Laun eru skv. kjarasamningi Sambands íslenskra sveitarfélaga við Kjarafélag viðskipta- og hagfræðinga.

Umsóknarfrestur er til og með 31. mars 2025.

Greinargóð ferilskrá og kynningarbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Advertisement published19. March 2025

Application deadline31. March 2025

Language skills