Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Hjúkrunarfræðingur á göngudeild innkirtla- og gigtarsjúkdóma

Göngudeild innkirtla- og gigtarsjúkdóma óskar eftir að ráða hjúkrunarfræðing til starfa á dagdeild gigtar. Deildin sérhæfir sig í þjónustu við einstaklinga með gigtarsjúkdóma þar sem áhersla er lögð á faglega og persónulega meðferð. Við sækjumst eftir hjúkrunarfræðingi sem þrífst á spennandi verkefnum, sýnir þjónustulund, frumkvæði og sjálfstæði í vinnubrögðum auk þess að eiga auðvelt með að vinna í teymi.

Deildin er staðsett í nýuppgerðu húsnæði á Eiríksstöðum, Eiríksgötu 5.

Á deildinni starfar öflugt teymi heilbrigðisstarfsmanna með sterka framtíðarsýn á þjónustu við sjúklinga þar sem unnið er eftir gagnreyndri þekkingu. Við leggjum metnað í að veita góða aðlögun með reyndum hjúkrunarfræðingum deildarinnar.

Starfið er laust nú þegar eða eftir nánara samkomulagi.

Deildin sinnir göngudeildarþjónustu vegna gigtarsjúkdóma annars vegar og innkirtlasjúkdóma hins vegar. Einnig er starfrækt þar miðstöð sjaldgæfra sjúkdóma.

Helstu verkefni og ábyrgð

Sérhæfð hjúkrun vegna gigtarsjúkdóma
Lyfjagjafir í formi innrennslis
Eftirlit, fræðsla og stuðningur til sjúklinga með gigtarsjúkdóma
Eftirfylgd sjúklinga í gegnum síma/ fjarþjónustu
Virk þátttaka í teymisvinnu
Ráðgjöf til heilbrigðisstarfsmanna
Önnur verkefni í samráði við deildarstjóra

Menntunar- og hæfniskröfur

Íslenskt hjúkrunarleyfi
Faglegur metnaður
Áhugi á teymisvinnu
Jákvætt lífsviðhorf og framúrskarandi samskiptahæfileikar
Þekking, reynsla og sjálfstæði í vinnubrögðum
Íslenskukunnátta áskilin

Starfshlutfall: 70-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 3/5

Nánari upplýsingar

Erna Jóna Sigmundsdóttir, [email protected], 666-1101

Göngudeild innkirtla- og gigtarsjúkdóma

Eiríksgötu 5

101 Reykjavík

Advertisement published21. March 2025

Application deadline31. March 2025

Language skills

Icelandic

Required

Intermediate

Location

Eiríksgata 5, 101 Reykjavík

Type of work

Professions

Job Tags

Other jobs (50)

Viltu starfa við svefnrannsóknir og meðferð svefnsjúkdóma?