Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Hjúkrunarfræðingur í DAM teymi geðþjónustu

DAM-teymi Landspítala auglýsir stöðu hjúkrunarfræðings sem lokið hefur klínísku meistaranámi í geðhjúkrun og/eða hlotið sérfræðileyfi Embættis landlæknis í geðhjúkrun.

Teymið er þverfaglegt meðferðarteymi og eitt af sérhæfðum göngudeildarteymum í meðferðareiningu lyndisraskana. Það sinnir um 70 einstaklingum með alvarlegan og langvarandi tilfinningalegan óstöðugleika og er staðsett á Kleppi.

Teymið veitir díalektíska atferlismeðferð (DAM) ásamt annarri þjónustu við notendur og fjölskyldur þeirra. Áhersla er lögð á góðan starfsanda, þverfaglega teymisvinnu og stöðugar umbætur. Í boði eru fjölbreytt tækifæri til vaxtar í starfi með markvissri þjálfun og faglegri leiðsögn. Unnið er í dagvinnu og starfshlutfall er 80-100%. Ráðning er frá 1. maí 2025 eða eftir nánara samkomulagi.

Education and requirements

Íslenskt hjúkrunarleyfi

Meistaragráða í klínískri geðhjúkrun og/eða sérfræðileyfi í geðhjúkrun

Þekking á og/eða reynsla af díalektískri atferlismeðferð er kostur

Einlægur áhugi á geðhjúkrun og þróun hjúkrunar í geðþjónustu

Áhugi á þjónustu við einstaklinga með alvarlegan og langvarandi tilfinningalegan óstöðugleika og fjölskyldur þeirra, þekking og reynsla af þjónustu við hópinn er kostur

Vilji til að starfa í þverfaglegu teymi

Stundvísi, áreiðanleiki og lipurð í samskiptum

Góð íslensku- og enskukunnátta

Responsibilities

Klínísk vinna: Mat á þörfum einstaklings, mat á geðrænum og líkamlegum einkennum, þróun og innleiðing einstaklingsbundinna meðferðaráætlana og málastjórn. Sérhæfður stuðningur við fjölskyldur notenda. Tækifæri til þjálfunar í díalektískri atferlismeðferð og starfsþróunar sem meðferðaraðili.

Þróunar-, gæða- og rannsóknarstarf: Þátttaka í verkefnum sem lúta að þróun þjónustu við notendur og fjölskyldur þeirra. Þátttaka í eflingu hjúkrunar innan geðþjónustu Landspítala. Mat á árangri þjónustu og umbótum. Þátttaka í rannsóknarstarfi.

Kennsla og fræðsla: Þátttaka í kennslu- og fræðsluverkefnum innan og utan Landspítala. Fagleg klínísk leiðsögn hjúkrunarfræðinga.

Ráðgjöf: Samstarf við geðhjúkrunarfræðinga og sérfræðinga í geðhjúkrun ásamt þátttöku í þverfaglegri ráðgjöf.

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni íslenska 4/5 enska 3/5

Nánari upplýsingar

Sandra Friðriksdóttir, [email protected],

Ragnheiður H. Eiríksd. Bjarman , [email protected],

Göngudeild lyndisraskana

Hringbraut

101 Reykjavík

Advertisement published17. March 2025

Application deadline31. March 2025

Language skills

Icelandic

Required

Very good

English

Required

Intermediate

Location

Hringbraut 37-41 37R, 101 Reykjavík

Type of work

Professions

Job Tags

Other jobs (50)