Verkfræðingur eða tæknifræðingur á sviði burðarvirkja

Vilt þú taka þátt í að skapa örugg og traust mannvirki? Við leitum að öflugum sérfræðingi, með sérþekkingu í burðarþolsfræðum, til starfa við hönnun og ráðgjöf á sviði burðarvirkja.

Um starfið
Sem sérfræðingur á fagsviði burðarvirkja munt þú vinna við:

• Burðarvirkjahönnun: Hönnun á burðarvirkjum mannvirkja úr fjölbreyttum efniviði bæði húsbygginga og samgöngumannvirkja ásamt almennri ráðgjöf og eftirfylgni á byggingartíma.
• Áætlanagerð: Gerð kostnaðaráætlana, hönnunar- og verkáætlana, o.fl. vegna burðarvirkja.
• Faglegt samstarf: Fagleg samskipti og teymisvinna með hönnuðum innan fagsviðs og með hönnuðum annarra fagsviða
• Gerð útboðsgagna: Gerð verklýsinga og annarra gagna fyrir útboð burðarvirkja.
• Önnur skýrslugerð: Ýmsar greiningar og gagnaúrvinnsla á fagsviði burðarvirkja.

Hæfniskröfur
Við leitum að einstaklingi með eftirfarandi eiginleika og færni:

• Menntun: Menntun á sviði verkfræði eða tæknifræði, með sérþekkingu í burðarþolsfræðum.

• Reynsla: A.m.k. 3ja ára reynsla af sambærilegum störfum er kostur en ekki skilyrði
• Hugbúnaðarþekking: Góð þekking á Autodesk Revit er skilyrði.
• Samskiptahæfni: Hæfni til að vinna sjálfstætt og í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli. Kunnátta í a.m.k. einu skandinavísku tungumáli er kostur.

Hvað bjóðum við
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Skemmtilegt og hvetjandi starfsumhverfi.
• Tækifæri til að vinna að mikilvægum og áhrifamiklum uppbyggingarverkefnum.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Kynntu þér starfið nánar á www.vso.is/starfsumsokn/