Austurbrú ses.

Austurbrú vinnur að hagsmunamálum íbúa á Austurlandi og veitir samræmda og þverfaglega þjónustu tengda atvinnulífi, menntun og menningu. Hjá Austurbrú er unnið að rannsóknum og greiningum sem tengjast byggðamálum og Austurlandi, auk ýmissa greininga fyrir stofnanir og einkaaðila. Austurbrú hýsir Áfangastaðastofu Austurlands og ber ábyrgð á markaðssetningu landshlutans í samstarfi við samstarfsaðila og stendur fyrir ýmsum viðburðum sem efla Austurland. Þar á meðal er móttaka blaðamanna, skipulag ráðstefna eins og Mannamóts, ferðaleiðir á Austurlandi og umsjón Austurlands-appsins. Austurbrú sinnir einnig byggðaþróun og vinnur verkefni tengd byggðaáætlun, veitir ráðgjöf til atvinnulífsins varðandi nýsköpun og framþróun auk þess að styðja við hagsmunamál landshlutans s.s. húsnæðisþróun og mannfjöldaspár auk vinnumarkaðsgreininga. Austurbrú er leiðandi afl varðandi menntamál á Austurlandi og sinnir símenntun; þar með talin símenntun fagstétta, fræðsluáætlanir fyrirtækja, framhaldsfræðsla og námsleiðum Fræðslumiðstöðvar atvinnulífsins og háskólamálum hvað varðar próftöku og þróun námsframboðs. Ennfremur eru málefni innflytjenda viðfangsefni Austurbrúar sem er leiðandi í kennslu íslensku á Austurlandi. Að auki hefur Austurbrú daglega umsýslu Sambands sveitarfélaga á Austurlandi á sínu starfssviði og öll málefni sem tengjast landshlutasamtökunum og samskiptum við stjórnvöld.

Vinnustaðurinn

Verkefnastjóri í þekkingarmiðlun og fræðslu

Ert þú drífandi og skipulagður leiðtogi með brennandi áhuga á fræðslustarfsemi atvinnulífsins?

Austurbrú auglýsir eftir verkefnastjóra til að sinna fjölbreyttum, þverfaglegum verkefnum á sviði fræðslumála og þekkingarmiðlunar. Meginverkefni starfsins eru annars vegar að sinna kjarnaverkefnum málaflokksins svo sem umsjón prófa og háskólaþjónustu á Austurlandi, hins vegar mótun, umsjón og framkvæmd tímabundinna og breytilegra verkefna. Í starfinu felst að miðla upplýsingum og þekkingu, sinna samskiptum við einstaklinga, fyrirtæki og aðra hagaðila auk teymisvinnu fjölbreyttra verkefna málaflokksins.

Við leitum að verkefnastjóra sem er skapandi, lausnamiðaður og skipulagður og á auðvelt með að skapa tengsl og eiga í samskiptum við ólíka aðila. Ef þú vilt vinna að kraftmiklum verkefnum sem fela í sér fjölbreytt viðfangsefni sem efla einstaklinga, vinnustaði og samfélagið, þá er þetta starfið fyrir þig.

Helstu verkefni og ábyrgð

Leiðandi stuðningur við háskólanema og efling háskólasamfélagsins á Austurlandi.
Umsjón með prófum, námskeiðum og þróun námsleiða.
Ráðgjöf og náin vinna með fyrirtækjum og stofnunum í fræðslu og þekkingarmiðlun.
Gerð kennsluefnis í íslensku og þróun og innleiðing stafrænna og gagnvirkra kennslulausna.
Skipulagning og stjórnun fjölbreyttra fræðsluverkefnum.
Uppbygging og viðhalda sterkra tengsla við hagaðila og viðskiptavini.
Miðlun upplýsinga og faglega ráðgjöf.
Þróun námsframboðs og bættrar þjónustu.
Önnur verkefni sem viðkomandi er falið.

Menntunar- og hæfniskröfur

Háskólamenntun á framhaldsstigi sem nýtist í starfi (t.d. kennsla, miðlun eða upplýsingatækni).
Reynsla af verkefnastjórnun og leiðtogahæfni.
Þekking á háskólaumhverfi og fræðslustarfsemi atvinnulífsins er kostur.
Sterk samskipta- og teymisvinnufærni.
Sjálfstæð og öguð vinnubrögð með áherslu á lausnamiðaða hugsun.
Mjög góð færni í íslensku og ensku.
Mjög góð tölvu- og tæknikunnátta; kunnátta í Innu er kostur.
Framsýni, jákvæðni og sveigjanleiki.

Fríðindi í starfi

Heimavinnudagar, sveigjanlegur vinnutími, heilsustyrkur

Ef þú ert tilbúinn að taka að þér þetta ábyrgðarmikla hlutverk og stuðla að framförum í samfélaginu, sendu okkur umsókn með ferilskrá og kynningarbréfi þar sem þú lýsir hvernig þú uppfyllir kröfur starfsins.
Við hvetjum einstaklinga af öllum kynjum til að sækja um.

Umsóknir má senda gegnum umsóknakerfi Alfreðs eða til Tinnu Halldórsdóttur yfirverkefnastjóra innri mála tinna@austurbru.is

Frekari upplýsingar veitir Ásdís Helga Bjarnadóttir, yfirverkefnastjóri fræðslumála asdis@austurbru.is

Umsóknarfrestur: Til og með 2. febrúar 2025

Við óskum eftir að þú getir hafið störf sem fyrst í að lágmarki 80% starfshlutfalli. Búseta á Austurlandi er lykilatriði til að taka virkan þátt í uppbyggingu svæðisins og þróa lausnir sem hafa bein áhrif á samfélagið. Laun eru samkvæmt kjarasamningi Sambands íslenskra sveitarfélaga og Visku.

Þetta er einstakt tækifæri fyrir þig sem vilt hafa raunveruleg áhrif á þróun samfélagsins, starfa í metnaðarfullu umhverfi og leggja þitt af mörkum til framtíðaruppbyggingar Austurlands.

Austurbrú er þverfaglegur vinnustaður þar sem unnið er í öflugum teymum sérfræðinga í stoðþjónustu. Áhersla er lögð á atvinnulíf, menntun, byggðaþróun og menningu á Austurlandi. Austurbrú hefur fengið jafnlaunavottun og vottun um framúrskarandi gæði í fræðslumálum, auk þess að vera á lista Creditinfo yfir framúrskarandi fyrirtæki síðustu ár.

Auglýsing birt21. janúar 2025

Umsóknarfrestur2. febrúar 2025

Tungumálahæfni