Steypustöðin

Steypustöðin var stofnuð árið 1947 og eru aðalstöðvar félagsins á Malarhöfða 10 Reykjavík. Steypustöðin er með útibú á nokkrum stöðum eins og Hafnarfirði, Selfossi, Helguvík, Borgarnesi og Þorlákshöfn ásamt tveimur færanlegum Steypustöðvum. Eins og nafnið gefur kynna til er meginstarfssemi félagsins framleiðsla og afhending á steypu. Félagið rekur einnig helluverksmiðju, flotbíla fyrir flotmúr, múrverslun, efnisvinnslu og stærstu einingaverksmiðju landsins í Borgarnesi. Hjá félaginu starfa nú um 300 starfsmenn

Vinnustaðurinn

Verkefnastjóri eigna og viðhaldsstýringar

Steypustöðin leitar að sterkum, nákvæmum og ábyrgum einstaklingi til að annast viðhald og rekstur eigna fyrirtækisins. Starfið krefst þess að viðkomandi geti haldið mörgum boltum á lofti samtímis og sé fær um að stýra og ljúka flóknum verkefnum af skilvirkni og fagmennsku. Ef þú býrð yfir framúrskarandi skipulagshæfni, miklu frumkvæði og hefur auga fyrir umbótum, gæti þetta verið starfið fyrir þig.

Starfið er fjölbreytt og felur í sér að koma á og viðhalda verkferlum sem stuðla að hagkvæmni og skilvirkni, fylgjast með fjárhagsáætlunum og kostnaðareftirliti, skipuleggja skoðanir og úttektir á eignum, auk samskipta við leigutaka og þjónustuaðila. Öll þessi verkefni eiga að taka mið af sjálfbærnivegferð Steypustöðvarinnar, sem hefur að markmiði að leggja grunn að sterkari framtíð fyrir komandi kynslóðir.

Við hvetjum öll kyn og þjóðerni til að sækja um.

Helstu verkefni og ábyrgð

Skipuleggja, stýra og hafa eftirlit með viðhaldi og rekstri
Umsjón með rekstri verkstæða Steypustöðvarinnar
Tryggja að eignir fyrirtækisins séu í góðu ástandi og uppfylli allar kröfur um öryggi og reglugerðir.
Gerð langtímaáætlana um viðhald og endurbætur á eignum.
Umsjón með framkvæmdum, viðgerðum og þjónustu samningsaðila.
Koma á og viðhalda verkferlum sem tryggja hagkvæman og skilvirkan rekstur.
Halda utan um fjárhagsáætlanir tengdar eignum og viðhaldi, auk kostnaðareftirlits.
Ábyrgð á reglulegri skoðun og úttektum á eignum.
Samskipti við leigutaka, þjónustuaðila og aðra hagsmunaaðila.
Stuðla að þróun og innleiðingu grænna og sjálfbærra lausna í viðhaldi og rekstri.

Menntunar- og hæfniskröfur

Háskólamenntun á sviði verkfræði eða verkefnastjórnun
Reynsla af eignastýringu og viðhaldi.
Sterk skipulagshæfni og hæfileiki til að vinna sjálfstætt og í hóp.
Góð samskiptafærni og þjónustulund.
Góð tölvukunnátta, þar á meðal reynsla af notkun viðhalds- eða eignastýringarkerfa.
Frumkvæði, lausnamiðað viðhorf og áhugi á umbótum.

Fríðindi í starfi

Líkamsræktarstyrkur
Hádegismatur
Námskeið og fræðsla
Jákvætt og hvetjandi vinnuumhverfi
Fjölbreytt og krefjandi verkefni

Allar umsóknir skulu berast í gegnum ráðningarkerfi Alfred.is

Allar nánari upplýsingar um starfið veitir Sigríður Björnsdóttir framkvæmdastjóri rekstrar- og mannauðssviðs í netfangið sirry@steypustodin.is

Um Steypustöðina

Steypustöðin var stofnuð árið 1947 og er eitt af leiðandi fyrirtækjum í steypuiðnaði á Íslandi, með höfuðstöðvar á Malarhöfða 10 í Reykjavík. Við höfum útibú á lykilstöðum eins og í Hafnarfirði, Selfossi, Helguvík, Borgarnesi og Þorlákshöfn, auk tveggja færanlegra steypustöðva.

Aðalstarfsemi okkar er framleiðsla og afhending á hágæðasteypu. Við rekum einnig helluverksmiðju, flotbíla fyrir flotmúr, múrverslun, efnisvinnslu og stærstu einingaverksmiðju landsins í Borgarnesi.

Steypustöðin leggur mikla áherslu á að starfa í sátt við umhverfi og samfélag. Starfsemin er rekin samkvæmt skýrum og mælanlegum markmiðum í sjálfbærnimálum.

Hjá Steypustöðinni starfa um 300 manns sem mynda öflugt og samstillt teymi. Við leggjum áherslu á gæði, nýsköpun og jákvætt starfsumhverfi, þar sem allir fá tækifæri til að vaxa og þróast í starfi.

Auglýsing birt20. janúar 2025

Umsóknarfrestur31. janúar 2025

Tungumálahæfni