Laus störf Hæfnileit Vinnustaðir Námskeið

Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Verkefnastjóri fjárfestinga

Vilt þú leiða fjölbreytt og krefjandi fjárfestingarverkefni sem hafa raunveruleg áhrif á framtíðarþróun Rio Tinto í Straumsvík?

Við leitum að öflugum verkefnastjóra til að ganga til liðs við verkefnastjórnunarteymið okkar. Starfið felur í sér stjórnun fjárfestingarverkefna á öllum stigum, frá greiningu og undirbúningi til framkvæmda, gangsetningar og afhendingar. Verkefnin eru fjölbreytt að umfangi og stærð og geta náð frá smærri umbótaverkefnum upp í stór fjárfestingarverkefni sem hafa áhrif á rekstur verksmiðjunnar til framtíðar. Í starfinu gefst tækifæri til að vinna náið með sérfræðingum innan fyrirtækisins, verktökum, ráðgjöfum og samstarfsaðilum innan Rio Tinto samstæðunnar.

Helstu verkefni og ábyrgð

Leiða og stýra fjárfestingarverkefnum frá hugmynd að afhendingu.
Ábyrgð á umfangi, kostnaði, tímaáætlun og gæðum verkefna.
Gerð og eftirfylgni kostnaðar-, verk- og framkvæmdaáætlana.
Stýra undirbúningi verkefna, hönnun, innkaupum og framkvæmdum.
Eftirlit með verkfræðilegri hönnun og framkvæmdum.
Stýra samskiptum við verktaka, ráðgjafa, birgja og aðra hagaðila.
Tryggja að verkefni uppfylli kröfur um öryggi, umhverfi og gæði.
Vinna náið með framleiðslu- og viðhaldsdeildum við undirbúning og framkvæmd verkefna.
Tryggja örugga gangsetningu og afhendingu verkefna til reksturs.
Stuðla að stöðugum umbótum í verkefnastjórnun og miðlun reynslu og lærdóms úr verkefnum.

Menntunar- og hæfniskröfur

Háskólamenntun sem nýtist í starfi, helst á sviði verkfræði, tæknifræði eða sambærilegri grein.
Reynsla af og góð þekking á aðferðum verkefnastjórnunar.
Reynsla af stjórnun fjárfestingar-, framkvæmda- eða iðnaðarverkefna er kostur.
Reynsla af gerð og eftirfylgni kostnaðar- og tímaáætlana.
Leiðtogahæfileikar og hæfni til að leiða þverfagleg teymi.
Góð greiningarhæfni og lausnamiðuð hugsun.
Framúrskarandi samskipta- og samstarfshæfni.
Frumkvæði, metnaður og sjálfstæð vinnubrögð.
Góð íslensku- og enskukunnátta í ræðu og riti.

Fríðindi í starfi

Frítt fæði í mötuneyti
Heilsustyrkur
Fæðingarorlofsstyrkur allt að 18 vikur á óskertum launum
Velferðartorg
Þátttaka í hlutabréfakaupum
Öflugt þjálfunar- og fræðslustarf

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.

Hreint sakavottorð og 18 ára aldurstakmark er forsenda allra ráðninga ásamt því að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Umsóknarfrestur er til og með 25. október og hvetjum öll áhugasöm til að kynna sér starfið og sækja um.

Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Unnur Ýr Konráðsdóttir ([email protected]).

Auglýsing birt7. október 2026

Umsóknarfrestur25. október 2026

Tungumálahæfni