Verkefnastjóri rekstrar

Við hjá Landsvirkjun leitum að skipulögðum liðsfélaga til að leiða og samræma verkefni sem styðja við rekstur og þróun vatnsaflsstöðva og innviða Landsvirkjunar. Starfið er á sviði Vatnsafls og felur í sér fjölbreytt verkefni, meðal annars á sviði stjórnunarkerfa, gæðamála, upplýsingaöryggis og rekstrarþróunar.

Helstu verkefni:

• Leiða og samræma verkefni þvert á reksturinn.
• Taka þátt í þróun og viðhaldi stjórnunarkerfa, verklagsreglna og mælikvarða.
• Styðja við innleiðingu og eftirfylgni á sviði upplýsingaöryggis og gæðamála.
• Stuðla að stöðugum umbótum í rekstri og verklagi.
• Fylgja eftir aðgerðum sem koma úr úttektum, áhættumati og umbótaverkefnum.
• Taka saman greiningar, stöðuyfirlit og tillögur til stuðnings ákvörðunartöku.

Menntunar og hæfniskröfur:

• Háskólamenntun sem nýtist í starfi.
• Reynsla af verkefnastjórnun, rekstri og/eða umbótastarfi.
• Góð greiningarhæfni og skipulögð vinnubrögð.
• Frumkvæði og hæfni til að fylgja verkefnum markvisst eftir.
• Góð samskipta- og samstarfshæfni.
• Reynsla af stjórnunarkerfum, gæðamálum eða upplýsingaöryggi er kostur.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað kveikir áhuga þinn á starfinu.