Laus störf Hæfnileit Vinnustaðir Námskeið

atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur átta gagnaver á Norðurlöndum. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

Sérfræðingur í stjórn- og eftirlitskerfum (Control SME)

atNorth á Reykjanesi leitar að öflugum sérfræðingi til að tryggja áreiðanlegan rekstur og áframhaldandi þróun stjórn- og eftirlitskerfa gagnaversins. Starfið felur í sér umsjón með PLC-, SCADA- og BMS-kerfum, viðhald og bilanagreiningu, ásamt innleiðingu tæknilegra umbóta sem styðja við öruggan og skilvirkan rekstur.

Við leitum að aðila með sterkan tæknilegan grunn, góða samskiptahæfni og getu til að vinna sjálfstætt og þvert á teymi. Unnið er í dagvinnu á virkum dögum með þátttöku í bakvöktum samkvæmt nánara fyrirkomulagi.

Helstu verkefni og ábyrgð

Umsjón með stjórn-, eftirlits- og mælikerfum gagnaversins
Uppsetning, viðhald, bilanagreining og þróun PLC-, SCADA- og BMS-kerfa
Skipulagning og framkvæmd fyrirbyggjandi og leiðréttandi viðhalds
Umsjón með mælikerfum raforkudreifingar og kvörðun mælitækja
Framkvæmd tæknilegra umbóta og samþykktra kerfisuppfærslna
Stuðningur við rekstur og úrlausn tæknilegra áskorana

Menntunar- og hæfniskröfur

Háskólamenntun á sviði verkfræði, iðnfræði eða sambærilegra tæknigreina
Sveinspróf er kostur
Reynsla af stjórnkerfum, rekstri og viðhaldi tæknibúnaðar ásamt þekkingu á netkerfum
Þekking á PLC-, SCADA- og/eða BMS-kerfum
Þekking á samskiptastöðlum á borð við Modbus TCP/IP eða sambærilegum lausnum
Reynsla af Schneider PME, EBO eða Janitza GridVis er kostur
Góð samskiptahæfni og geta til að vinna þvert á teymi
Sjálfstæð skipulögð vinnubrögð og frumkvæði
Umbótahugarfar, öryggisvitund og þjónustulund
Góð enskukunnátta í ræðu og riti

atNorth er leiðandi norrænt fyrirtæki á sviði gagnaversþjónustu sem býður upp á sjálfbæra og hagkvæma ofurtölvuþjónustu fyrir mörg af fremstu tæknifyrirtækjum heims. Höfuðstöðvar atNorth eru í Hafnarfirði en fyrirtækið rekur starfsemi þvert á Norðurlöndin.

Hjá atNorth koma saman framúrskarandi tækniþekking og vinnustaðamenning sem byggir á samvinnu, ábyrgð og trausti. Fyrirtækið leggur áherslu á að starfsfólk fái tækifæri til að þróast í starfi, taka frumkvæði og hafa raunveruleg áhrif á starfsemina.

Með því að ganga til liðs við alþjóðlegt teymi atNorth færð þú tækifæri til að taka þátt í mótun framtíðar sjálfbærra stafrænna innviða. Frekari upplýsingar um atNorth er að finna á heimasíðu fyrirtækisins www.atnorth.com.

Auglýsing birt1. október 2026

Umsóknarfrestur12. október 2026

Tungumálahæfni