Laus störf Hæfnileit Vinnustaðir Námskeið

Air Atlanta Icelandic

Air Atlanta var stofnað árið 1986 og hefur verið í rekstri allar götur síðan. Félagið rekur fjórtán breiðþotur af gerðinni Boeing 747-400. Höfuðstöðvar félagsins eru staðsettar á Íslandi en flugrekstur á sér stað víða um heiminn. Félagið sérhæfir sig í leigu á flugvélum ásamt áhöfnum til annara flugfélaga og gætir þess að flugleiðir viðskiptavina okkar séu starfræktar á öruggan og hagkvæman hátt.

Vinnustaðurinn

Avionics/Modifications Engineer

Air Atlanta leitar að öflugum aðila til að ganga til liðs við verkfræðideild félagsins.

Í verkfræðideildinni starfar samheldinn hópur sem sinnir verkefnum tengdum viðhaldi, áreiðanleika og áframhaldandi lofthæfi flugvélaflotans, í nánu samstarfi við flugvélaframleiðendur, viðhaldsaðila og aðra samstarfsaðila.

Air Atlanta Icelandic rekur Boeing 747-400 og Boeing 777-200/-300 flugvélar.

Helstu verkefni og ábyrgð

Umsjón með Avionics-búnaði flugvélaflotans og tilheyrandi tæknilegum gögnum
Umsjá og aðstoð við stærri breytingar á flugvélum ásamt lofthæfi gögnum
Umsjón og uppfærslur á hugbúnaði um borð í flugvélum
Tæknileg aðstoð við bilanagreiningu (troubleshooting) og úrlausn tæknilegra vandamála
Greining og úrvinnsla tæknilegra gagna
Samstarf við flugvélaframleiðendur, viðhaldsaðila og aðra birgja vegna tæknilegra mála
Náið samstarf við aðrar deildir sem sinna áframhaldandi lofthæfi og viðhaldi flugflotans
Önnur verkefni í samráði við Manager Engineering

Menntunar- og hæfniskröfur

Menntun eða starfsreynsla á sviði flugvirkjunar, rafmagns-, rafeinda- eða flugverkfræði eða sambærilegur tæknilegur bakgrunnur
EASA Part-66 B2 flugvirkjaskírteini er kostur
Þekking og/eða reynsla af Avionics-kerfum flugvéla
Reynsla af verkfræði-, viðhalds- eða tæknistörfum innan flugrekstrar er kostur
Reynsla af Boeing 747-400 og/eða Boeing 777 er kostur
Hæfni til að lesa, túlka og vinna úr tæknilegum gögnum og viðhaldsleiðbeiningum
Þekking á EASA Part-M og Part-CAMO og tengdum kröfum um áframhaldandi lofthæfi er kostur
Mjög góð enskukunnátta og góð almenn tölvukunnátta
Nákvæm og öguð vinnubrögð ásamt frumkvæði og sjálfstæði í starfi
Sterk öryggisvitund og góð samskipta- og samstarfshæfni

Hvað býður starfið upp á?

Starfið býður upp á tækifæri til að taka virkan þátt í þróun verkfræðideildar Air Atlanta Icelandic og vinna að fjölbreyttum tæknilegum verkefnum sem hafa bein áhrif á áframhaldandi lofthæfi, áreiðanleika og rekstur flugflotans.

Þú færð meðal annars tækifæri til að:

Vinna náið með Avionics-kerfi Boeing 747-400 og Boeing 777 flugvéla ásamt öðrum breytingum á vélunum
Takast á við fjölbreytt tæknileg verkefni, allt frá bilanagreiningu og tæknilegum úrlausnum yfir í hugbúnaðar- og kerfisuppfærslur
Starfa í alþjóðlegu og tæknilega krefjandi flugrekstrarumhverfi
Vinna með flugvélaframleiðendum, viðhaldsaðilum og öðrum sérfræðingum innan flugiðnaðarins
Hafa raunveruleg áhrif á áreiðanleika, lofthæfi og tæknilega þróun flugflotans
Þróast faglega samhliða áframhaldandi þróun verkfræðideildarinnar

Auglýsing birt5. október 2026

Umsóknarfrestur18. október 2026

Tungumálahæfni