Laus störf Hæfnileit Vinnustaðir Námskeið

Orkusalan

Hlutverk Orkusölunnar er að framleiða, kaupa og selja rafmagn til heimila, fyrirtækja og stofnana um allt land. Orkusalan er eina fyrirtækið á raforkumarkaði sem hefur kolefnisjafnað bæði rekstur og vinnslu raforku.

Vinnustaðurinn

Sérfræðingur í þróun virkjana

Við hjá Orkusölunni leitum að öflugum sérfræðingi til að taka þátt í þróun virkjana og framgangi þróunarverkefna félagsins. Um er að ræða fjölbreytt starf þar sem unnið er að því að greina ný tækifæri til raforkuframleiðslu, koma verkefnum áfram og fylgja þeim eftir í gegnum ólík stig þróunar. Starfið felur í sér samskipti við landeigendur, sveitarfélög og aðra hagaðila og krefst getu til að byggja upp traust og góð samskipti.

Orkusalan á og rekur sex vatnsaflsvirkjanir og vinnur að þróun nýrra orkukosta á sviði vatnsafls, vindorku og jarðvarma. Flestar virkjanir og þróunarverkefni félagsins eru á Austurlandi.

Helstu verkefni og ábyrgð

Greina og þróa ný tækifæri til raforkuframleiðslu á Íslandi
Hafa samskipti við landeigendur, leyfisveitendur, sveitarfélög og ráðgjafa
Fylgja eftir verkefnum félagsins á vettvangi rammaáætlunar, umhverfismats, skipulagsmála og annarra leyfisferla
Undirbúa og taka þátt í vettvangsrannsóknum
Greina og útfæra möguleika til endurbóta og eflingar á núverandi virkjunum Orkusölunnar
Hafa eftirlit með framvindu verkefna og lausn vandamála
Samræma vinnu og samstarf við önnur teymi innan fyrirtækisins
Taka þátt í þróun og uppbyggingu starfsemi og vinnustaðamenningar
Önnur tilfallandi verkefni innan eðlilegs starfssviðs

Menntunar- og hæfniskröfur

Háskólamenntun á meistarastigi sem nýtist í starfi, til dæmis á sviði verkfræði, umhverfisfræði, viðskiptafræði, skipulagsmála, verkefnastjórnunar eða skyldra greina
Reynsla af orkumálum, þróun innviða eða sambærilegum verkefnum
Reynsla af verkefnastjórnun eða kynningarmálum er kostur
Þekking á leyfismálum og starfsumhverfi orkufyrirtækja er kostur
Frumkvæði, drifkraftur og góð greiningarhæfni
Sterk samskipta- og samstarfshæfni
Sjálfstæð og skipulögð vinnubrögð

Af hverju Orkusalan?

Hjá Orkusölunni starfa um 30 einstaklingar. Félagið er með skrifstofur í Kópavogi og á Akureyri. Við vinnum af fagmennsku og heilindum, leitum stöðugt leiða til að vaxa og nýta tækifæri til nýsköpunar, og leggjum áherslu á jákvætt, hvetjandi starfsumhverfi þar sem gleðin fær að njóta sín.

Orkusalan er skemmtilegur og sveigjanlegur vinnustaður þar sem mikið er lagt upp úr sjálfstæðum vinnubrögðum, góðum starfsanda og liðsheild. Ef þú vilt kynnast starfsfólki Orkusölunnar betur þá mælum við með að skoða Stuðprófílana okkar: www.orkusalan.is

Nánari upplýsingar<br>Þórdís Sif Arnarsdóttir – [email protected]

Auglýsing birt7. október 2026

Umsóknarfrestur21. október 2026

Tungumálahæfni