Véltæknifræðingur, Vélaverkfræðingur

Stálvík leitar að öflugum einstaklingi til að styrkja tækniteymi fyrirtækisins.

Stálvík ehf. er öflugt og vaxandi fyrirtæki með starfsstöð við í Hafnarfirði. Við sérhæfum okkur í heildarlausnum á sviði hönnunar, smíði, uppsetninga, viðhalds og viðgerða fyrir fjölbreyttan hóp viðskiptavina.

Verkefnin okkar eru fjölbreytt og spanna allt ferlið frá hugmynd að hönnun og útfærslu yfir í smíði, uppsetningu og afhendingu. Við leggjum áherslu á fagmennsku, lausnamiðaða hugsun og vönduð vinnubrögð og tökumst reglulega á við krefjandi og spennandi verkefni þar sem reynir á bæði tæknilega þekkingu og hugvit.

Bak við Stálvík stendur öflugur hópur fagfólks með mikla reynslu og þekkingu. Við leggjum mikla áherslu á gott starfsumhverfi, sterk samskipti og að fólkið okkar hafi tækifæri til að vaxa og þróast í starfi.

Við leitum að einstaklingi sem hefur áhuga á að taka virkan þátt í áframhaldandi uppbyggingu fyrirtækisins og vinna með okkur að fjölbreyttum verkefnum frá fyrstu hugmynd til fullbúinnar lausnar.

Helstu verkefni og ábyrgð

Hönnun og útfærsla á stálvirkjum, lögnum, vélbúnaði og öðrum tæknilegum lausnum
Tilboðsgerð, kostnaðaráætlanir og magnútreikningar
Samskipti og samvinna við viðskiptavini, birgja og samstarfsaðila
Mælingar og vettvangsskoðanir vegna nýsmíði, breytinga og viðgerða
Undirbúningur verkefna og stuðningur við framleiðslu og uppsetningu
Undirbúningur verkefna og eftirfylgni með tímaáætlunum, kostnaði og framvindu verkefna
Gerð og utan umhald tæknigagna og annarra verkefnaskjala

Starfið er fjölbreytt og umfang þess getur þróast eftir reynslu, þekkingu og styrkleikum viðkomandi.

Menntunar- og hæfniskröfur

Háskólamenntun í vélaverkfræði, véltæknifræði eða sambærileg menntun sem nýtist í starfi
Iðnmenntun og/eða góð verkleg reynsla úr málm- eða véliðnaði er mikill kostur
Þekking og reynsla af AutoCAD og Autodesk Inventor
Góð tæknileg hugsun og hæfni til að leysa fjölbreytt og krefjandi verkefni
Sjálfstæð, skipulögð og öguð vinnubrögð
Góð samskiptafærni og hæfni til að vinna með öðrum
Frumkvæði, ábyrgð og metnaður til að skila vönduðu verki
Gott vald á íslensku, bæði í töluðu og rituðu máli, er skilyrði

Hjá Stálvík færð þú tækifæri til að starfa hjá öflugu fyrirtæki í vexti, þar sem stutt er á milli hugmynda og framkvæmda. Þú verður hluti af samhentu teymi fagfólks og færð að taka þátt í fjölbreyttum verkefnum með raunveruleg áhrif á lokaafurðina.

Við leggjum áherslu á að starfsfólkinu okkar líði vel, hafi svigrúm til að axla ábyrgð og fái tækifæri til að þróast með fyrirtækinu.

Umsókn og nánari upplýsingar

Fyrir nánari upplýsingar um starfið veitir Jón Trausti Sverrisson, Einnig er hægt að hafa samband við okkur í tölvupósti á [email protected].

Auglýsing birt6. október 2026

Umsóknarfrestur18. október 2026

Tungumálahæfni