Laus störf Hæfnileit Vinnustaðir Námskeið

FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

Vinnustaðurinn

Verkefnastjóri hönnunar

Langar þig að hafa áhrif á það hvernig húsnæði ríkisins verður til? Hjá Framkvæmdasýslunni-Ríkiseignum (FSRE) er nú laust spennandi starf verkefnastjóra í deild hönnunar á sviði hönnunar og áætlana. Þar færðu tækifæri til að leiða verkefni frá fyrstu hugmynd og fram að útboði framkvæmda, í nánu samstarfi við önnur svið FSRE, ráðuneyti og stofnanir.

Deild hönnunar sér um verkefnastjórn við frumathugun, frum-, for- og verkhönnun, eftirfylgni með framgangi verkefna hvað varðar kostnað, gæði og tíma, undirbúning útboða og útboðsgagna í samvinnu við útboðssérfræðinga ásamt gerð skilamats á verkhlutum hönnunar. Verkefnin eru fjölbreytt og snúa meðal annars að aðstöðu stofnana og ráðuneyta, endurgerð mannvirkja og leiguverkefnum, innan og utan eignasafns FSRE.

Sem verkefnastjóri berð þú fjárhagslega og stjórnunarlega ábyrgð á verkefnum, allt frá fyrstu greiningu í gegnum hönnun og útboð. Þú leiðir hönnunarferlið og heldur utan um alla þræði, en hönnunarvinnan sjálf er ekki á þinni könnu. Þú vinnur sjálfstætt, hefur frumkvæði og færð að nýta sérþekkingu þína, tekur þátt í verkefnahópum þvert á stofnunina og styður önnur svið FSRE við þarfagreiningar og frumathuganir. Starfið heyrir undir deildarstjóra hönnunar.

Helstu verkefni og ábyrgð

Á þínu borði verða meðal annars:

Verkefnastjórn í framkvæmda- og leiguverkefnum á stigi greininga og hönnunar, með fjárhagslegri og stjórnunarlegri ábyrgð verkefna
Umsjón með gerð frumathugana og þ.á.m. þarfa-, valkosta- og kostnaðargreininga
Umsjón með útboðum hönnunar í leigu- og framkvæmdaverkefnum í samvinnu við útboðssérfræðinga og framkvæmdasvið, þar á meðal gerð kröfulýsinga
Umsjón með hönnunarstigi verkefna, með tilliti til tíma og kostnaðar
Samskipti við hagsmunaaðila, ráðuneyti og stofnanir
Eftirfylgni, gerð tíma- og kostnaðaráætlana og stöðumat verkefna
Þátttaka í þróunar- og umbótaverkefnum þvert á FSRE

Menntunar- og hæfniskröfur

Við leitum að manneskju sem hefur:

Háskólamenntun á sviði mannvirkjagerðar, t.d. verkfræði, tæknifræði, byggingafræði eða arkitektúr. Meistarapróf er skilyrði
Þekkingu og reynslu af aðferðafræði verkefnastjórnunar og verkefnastjórn mannvirkja á greiningar- og/eða hönnunarstigi
Reynslu af þarfa- og kostnaðargreiningum
Reynslu af hönnunarferli og rýni hönnunar
Þekkingu og reynslu af útboðsferli og ferli opinberra framkvæmda
Færni í textagerð og framsetningu greininga og hönnunargagna
Jákvætt og lausnamiðað viðhorf, færni í mannlegum samskiptum og ríka hæfni í teymisvinnu
Góða færni í að forgangsraða verkefnum og skila árangri í kviku starfsumhverfi
Þjónustumiðuð og skipulögð vinnubrögð
Mjög gott vald á íslensku og ensku í ræðu og riti

Eftirfarandi telst til kosta

Iðnmenntun á byggingarsviði til viðbótar við háskólamenntun
Þekking á hönnunarhugbúnaði og upplýsingalíkönum (BIM)
Þekking eða reynsla af opinberri stjórnsýslu
Þekking á stafrænni þróun
Reynsla af skipulagsmálum

Fríðindi í starfi

Hjá FSRE bjóðum við:

Verkefnamiðað vinnuumhverfi og sveigjanlegan vinnutíma
Fjölbreytt og krefjandi verkefni sem snerta flest svið samfélagsins
Stuðning við þekkingaröflun og starfsþróun, meðal annars í gegnum alþjóðlegt tengslanet
Fjölskylduvænan vinnustað þar sem lögð er áhersla á jafnrétti og góða vinnustaðamenningu

Um FSRE

FSRE annast fasteignir og jarðir ríkisins, öflun húsnæðis og stýrir framkvæmdum við breytingar, endurbætur og nýbyggingar, með það að leiðarljósi að afla góðs en hagkvæms húsnæðis í allra þágu. Stofnunin heldur utan um stærsta fasteignasafn landsins, 530 þúsund m² húsnæði í 380 eignum auk um 300 jarða og landsvæða. Hjá FSRE starfa um 70 sérfræðingar með breiða þekkingu á sviði fasteignaumsýslu, framkvæmda og eignastýringar.

Umsókn

Um fullt starf er að ræða. Laun eru samkvæmt gildandi kjarasamningi viðkomandi stéttarfélags og fjármála- og efnahagsráðherra fyrir hönd ríkissjóðs. Áhugasamir einstaklingar, óháð kyni, eru hvattir til að sækja um.

Umsóknarfrestur er til og með 22.október 2026. Æskilegt er að viðkomandi geti hafið störf sem fyrst. Umsókn óskast fyllt út á Starfatorgi og þarf henni að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. Öllum umsóknum verður svarað að ráðningu lokinni.

Nánari upplýsingar veita Inga Hanna Guðmundsdóttir, mannauðsstjóri ([email protected]), og Örn Baldursson, deildarstjóri hönnunar ([email protected]). Við hlökkum til að heyra frá þér.

Auglýsing birt7. október 2026

Umsóknarfrestur28. október 2026

Tungumálahæfni