Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri á skrifstofu framkvæmda og viðhalds

Skrifstofa framkvæmda og viðhalds leitar að réttu manneskjunni í starf verkefnastjóra á deild gatna, lóða og opinna svæða. Deildin sér um áætlanagerð, hönnun, útboð, framkvæmd og eftirlit með stofnframkvæmdum og viðhaldsframkvæmdum samgöngumannvirkja, skóla- og leikskólalóða og opinna svæða.

Verkefnin krefjast mikillar þverfaglegrar samvinnu bæði innan fagsviða Reykjavíkurborgar sem og annarra hagsmunaaðila.

Helstu verkefni og ábyrgð

Verkefnastjórn, skipulagning og stjórnun verkefna.
Gerð kostnaðar- og framkvæmdaáætlana, ásamt eftirfylgni framkvæmda.
Ábyrgð á úttektum, uppgjöri og gerð skilamats vegna framkvæmda.
Eftirlit útboðsverka.
Samskipti/samráð við íbúa, hagsmunaðila, ráðgjafa, stofnanir, nefndir og ráð, skrifstofur og deildir innan og utan borgarkerfis um framkvæmdir einstakra verkefna.
Skráning verkefna í verkbókhald.
Setja upplýsingar um verkefni í Framkvæmdasjá sem er opin almenningi til að miðla upplýsingum til íbúa og hagsmunaaðila. Reglubundin uppfærsla á stöðu verkefna í Framkvæmdasjá.
Fylgist með að samþykktar forsendur fyrir framkvæmdum liggi fyrir svo sem aðal- og deiliskipulag, umhverfismat, samþykktir nefnda og ráða og almennar leyfisveitingar t.d. framkvæmdaleyfi, byggingaleyfi, heimild frá lögreglu o.þ.h.
Fylgir eftir tímaramma framkvæmda, að þær hefjist á réttum tíma, gangi eðlilega fyrir sig og sé lokið samkvæmt tímaáætlun.
Upplýsingamiðlun innan og utan borgarkerfisins.
Vinna við hönnun, val á búnaði eins og við á, fyrir stofnanir og/eða opin leiksvæði.

Menntunar- og hæfniskröfur

Háskólamenntun á sviði umhverfisfræða, byggingarfræði, arkitektúr, landslagsarkitektúr eða skipulagsfræðum. Framhaldsmenntun tengd málaflokki.
Haldbær reynsla af starfssviðinu kostur.
Skipulögð og fagleg vinnubrögð.
Lausnamiðuð hugsun, frumkvæði og sjálfstæð vinnubrögð.
Samskiptahæfni sem miðar að því að starfa í hóp og verkefnateymum vegna umfangsmikilla skipulagsverkefna.
Hæfni til framsetningar og greiningar á flóknum gögnum og miðlun upplýsinga í ræðu og riti.
Góð almenn tölvukunnátta og þekking á algengum skrifstofu-, hönnunar- og teikniforritum.
Íslenskukunnátta B2-C1 í samræmi við samevrópska tungumálarammann og enskukunnátta C1.

Starf verkefnastjóra er fjölbreytt og spennandi starf í faglegu starfsumhverfi þar sem áhersla er á teymisvinnu, góða þjónustu og virðingu fyrir umhverfinu.
Um er að ræða framtíðarstarf og er æskilegt að starfsmaður geti hafið störf sem fyrst.
Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veitir Rúnar Gísli Valdimarsson með því að senda tölvupóst á [email protected].
Umsóknarfrestur er til og með 17. febrúar 2025.

Auglýsing birt30. janúar 2025

Umsóknarfrestur17. febrúar 2025

Tungumálahæfni