Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Umhverfis- og framkvæmdasvið - Forstöðumaður fráveitu

Reykjanesbær leitar að metnaðarfullum, lausnamiðuðum og skipulögðum einstaklingi með framúrskarandi samskiptahæfni til að gegna starfi forstöðumanns Fráveitu hjá Umhverfis- og framkvæmdasviði. Starfið er fjölbreytt, krefjandi og kallar á sjálfstæði, frumkvæði og ábyrgð í vinnubrögðum. Næsti yfirmaður er sviðsstjóri Umhverfis- og framkvæmdasviðs.

Gildi Reykjanesbæjar – virðing, eldmóður og framsækni – skulu endurspeglast í starfi og framkomu viðkomandi.

Um er að ræða 100% starfshlutfall. Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags. Æskilegt er að umsækjandi geti hafið störf sem fyrst.

Helstu verkefni og ábyrgð

Stjórnun, eftirlit og umsjón með daglegum rekstri fráveitu Reykjanesbæjar.
Þróun framtíðarsýnar fyrir fráveituna.
Gerð áætlana og forgangsröðun verkefna.
Samskipti við opinbera aðila, hönnuði og verktaka.
Önnur verkefni sem falla undir starfssviðið.

Menntunar- og hæfniskröfur

Háskólamenntun í verkfræði, tæknifræði eða sambærilegri grein.
Frumkvæði og hæfni til umbótastarfs.
Sjálfstæð og metnaðarfull vinnubrögð.
Reynsla af fráveitumálum er kostur.
Sterk samskipta- og samstarfshæfni.
Góð íslensku- og enskukunnátta í töluðu og rituðu máli.

Sótt er um starfið á vef Reykjanesbæjar www.reykjanesbaer.is, undir laus störf. Umsóknum skal fylgja ítarleg starfsferilsskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfni til að sinna starfinu.

Áhugasamir einstaklingar án tillits til kyns, eru hvattir til að sækja um.

Frekari upplýsingar veitir: Guðlaugur Helgi Sigurjónsson, sviðsstjóri Umhverfis- og framkvæmdasviðs, í gegnum netfangið gudlaugur.h.sigurjonsson@reykjanesbaer.is.

Auglýsing birt6. desember 2024

Umsóknarfrestur20. desember 2024

Tungumálahæfni