Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Tímabundið starf í býtibúr og þjónustustuðning á legudeild geðrofssjúkdóma

Við óskum eftir að ráða til starfa öfluga liðsmanneskju í okkar góða hóp á legudeild geðrofssjúkdóma. Starfið felst í umsjón með umhverfi deildar s.s. undirbúningi og frágangi matmálstíma, línherbergi, þvottahúsi, geymslurýmum, starfsmannaaðstöðu og almennum rýmum og skipulagi á nauðsynlegu viðhaldi, ásamt virkum samskiptum við sjúklinga og samstarfsfólk.

Leitað er eftir þjónustulundaðri, lausnamiðaðri og jákvæðri manneskju sem er sjálfstæð og skipulögð í starfi. Viðkomandi er virkur þátttakandi í starfsemi deildarinnar og þarf að geta sýnt sveigjanleika í því síbreytilega umhverfi sem deildin er. Gert er ráð fyrir að viðkomandi sæki námskeið í grunnendurlífgun og sé vel að sér varðandi sóttvarnir og smitgát.

Á deildinni eru rými fyrir 16 skjólstæðinga, þar sem einstaklingar með geðrofssjúkdóma fá sérhæfða meðferð, allt frá bráðum veikindum og endurhæfingu. Deildarstarfið byggir á samvinnu þar sem mikilvægt er að sérhver starfsmaður fær að nýta styrkleika sína.

Starfið er dagvinna, fyrri hluta dags alla virka daga og er starfshlutfall eftir samkomulagi 60-80%.

Um er að ræða tímabundna ráðningu vegna afleysingar frá 1. júní 2026 til 1. september 2027.

Menntunar- og hæfniskröfur

Menntun sem nýtist í starfi

Reynsla af starfi á Landspítala er kostur

Reynsla af starfi í matarþjónustu er kostur

Jákvætt viðmót og hæfni í mannlegum samskiptum

Frumkvæði, drifkraftur og sveigjanleiki

Hæfni og geta til að starfa sjálfstætt sem og í teymi

Stundvísi, áreiðanleiki, hreinlæti og snyrtimennska

Áhugi á að starfa með einstaklingum með geðrænar áskoranir

íslensku- og enskukunnátta

Helstu verkefni og ábyrgð

Undirbúningur matmálstíma með því að sækja matarvagn og bera mat á borð

Frágangur í matsal og eldhúsi eftir matmálstíma

Ber ábyrgð á að almennt rými deildar sé snyrtilegt

Ber ábyrgð á að þvottahús, skol og lín sé snyrtilegt

Yfirumsjón með pöntun og frágangi matvæla og nauðsynjavara

Er hluti af teymi deildar og tekur þátt í að meta geðhag sjúklinga eins og við á

Stuðlar að jákvæðum starfsanda og starfsumhverfi

Starfshlutfall: 60-80%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum og hvetjum við fólk af öllum kynjum til að sækja um starfið. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Laun eru samkvæmt gildandi kjarasamningum. Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, býtibúr, kaffistofa, þjónustustörf, teymisvinna, umbætur,

Tungumálahæfni: íslenska 4/5, enska 3/5

Staðsetning: Hringbraut, 101 Reykjavík

Nánari upplýsingar

Guðfinna Betty Hilmarsdóttir

Tölvupóstur: [email protected]

Una Lind Hauksdóttir

Tölvupóstur: [email protected]

Auglýsing birt1. apríl 2026

Umsóknarfrestur13. apríl 2026

Tungumálahæfni