Þjónusturáðgjafi fyrirtækja
Hefur þú brennandi áhuga á að veita fyrirtækjum framúrskarandi þjónustu?
Við í fyrirtækjaþjónustu Arion leitum að liðsauka í teymið. Við viljum fá til liðs við okkur starfsfólk sem hefur áhuga á að veita fyrirtækjum framúrskarandi þjónustu og ráðgjöf um helstu þjónustuþætti bankans.
Á fyrirtækja- og fjárfestingabankasviði Arion starfar öflug liðsheild í sjö einingum. Fyrirtækjaþjónustan gegnir lykilhlutverki í þjónustu við viðskiptavini sviðsins, vinnur þvert á sviðið og sinnir öllum þjónustuverkefnum frá viðskiptavinum og samstarfsfólki. Í verkefnum teymisins felst m.a. þjónusta við ný fyrirtæki í viðskiptum og starfsmenn fá góða þjálfun í fyrirtækjavörum samstæðunnar.
Fyrirtækjaþjónustan leggur áherslu á góða upplifun viðskiptavina sem leita til bankans m.a. með því að bjóða þá velkomna og taka faglega og örugglega á móti erindum með jákvætt viðmót að leiðarljósi. Starfsfólk veitir viðskiptavinum faglega þjónustu og ráðgjöf í gegnum þjónustuleiðir bankans, þ.e. fundi, símtöl, tölvupóst og netspjall.
- Framúrskarandi þjónustulund og hæfni í mannlegum samskiptum
- Áhugi á fjármálamarkaði
- Reynsla af þjónustu til fyrirtækja er kostur
- Reynsla af útlánamálum er kostur
- Frumkvæði og sveigjanleiki í starfi
- Ánægja af sölumennsku
- Sjálfstæði í vinnubrögðum
- Háskólamenntun eða starfsreynsla sem nýtist í starfi
Íslenska
Enska
