Sölu- og markaðsstjóri

Knattspyrnufélagið Valur óskar eftir að ráða drífandi einstakling í stöðu sölu- og markaðsstjóra. Um er að ræða spennandi starf í lifandi umhverfi. Um 60-100% starfshlutfall er að ræða.

Helstu verkefni og ábyrgð:

• Ábyrgð á sölumálum og samningagerð
• Gerð söluáætlana
• Sala á auglýsingaplássum
• Verðstýring og umsjón með tilboðs- og áætlanagerð
• Framleiðsla á efni fyrir samfélagsmiðla

Menntunar- og hæfniskröfur:

• Háskólamenntun sem nýtist í starfi t.d. á sviði markaðsmála eða viðskiptafræði
• Reynsla af sölu- og markaðsstörfum
• Reynsla eða áhugi á störfum innan íþróttahreyfingarinnar
• Góð skipulagshæfni er skilyrði
• Framúrskarandi samskiptahæfni
• Frumkvæði, metnaður og framsýni
• Góð tölvukunnátta
• Góð íslenskukunnátta er skilyrði

Um Val:

Valur er eitt sigursælasta íþróttafélag landsins og það sigursælasta þegar tekið er tillit til Íslands- og bikarmeistaratitla í meistaraflokki karla og kvenna í þremur vinsælustu íþróttagreinunum, handknattleik, körfuknattleik og knattspyrnu. Á undanförnum áratugum hefur félagið einbeitt sér að starfi í þessum þremur íþróttagreinum. Valur er félag með ríka hefð fyrir aga, sigurvilja, dugnaði og heilbrigði. Á Hlíðarenda vinna allir að sama markmiði, þ.e. að halda merki Vals hátt á lofti með einkunnarorðunum: Látið aldrei kappið bera fegurðina ofurliði.

Umsóknarfrestur er til og með 16. september 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.

Nánari upplýsingar veitir Sigríður Svava Sandholt ([email protected]) í síma 511-1225