Fjármálastjóri

Knattspyrnufélagið Valur óskar eftir að ráða öflugan og metnaðarfullan einstakling í stöðu fjármálastjóra félagsins. Um fullt starf er að ræða á skemmtilegum og lifandi vinnustað. Framundan eru fjölbreytt og skemmtileg verkefni.

Helstu verkefni og ábyrgð:

• Ábyrgð á daglegri stjórn fjármála og reksturs
• Ábyrgð, umsjón og eftirfylgni með áætlanagerð og reikningshaldi
• Þátttaka í stefnumótun og umsjón með þróun og innleiðingu verklags
• Eftirlit, greining og gerð rekstraryfirlita og stjórnendaupplýsinga
• Uppgjör, launamál og almenn bókhaldsverkefni

Menntunar- og hæfniskröfur:

• Háskólamenntun sem nýtist í starfi t.d. á sviði viðskipta, fjármála, endurskoðunar eða skyldra greina
• Reynsla og áhugi á fjármálastjórnun, áætlanagerð og uppgjörum
• Reynsla eða áhugi á störfum innan íþróttahreyfingarinnar
• Góð kunnátta í DK er kostur
• Leiðtogahæfileikar og framúrskarandi samskiptahæfni
• Metnaður, frumkvæði, nákvæmni og sjálfstæði í starfi
• Góð tölvukunnátta
• Góð íslenskukunnátta er skilyrði

Um Val:

Valur er eitt sigursælasta íþróttafélag landsins og það sigursælasta þegar tekið er tillit til Íslands- og bikarmeistaratitla í meistaraflokki karla og kvenna í þremur vinsælustu íþróttagreinunum, handknattleik, körfuknattleik og knattspyrnu. Á undanförnum áratugum hefur félagið einbeitt sér að starfi í þessum þremur íþróttagreinum. Valur er félag með ríka hefð fyrir aga, sigurvilja, dugnaði og heilbrigði. Á Hlíðarenda vinna allir að sama markmiði, þ.e. að halda merki Vals hátt á lofti með einkunnarorðunum: Látið aldrei kappið bera fegurðina ofurliði.

Umsóknarfrestur er til og með 16. september 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.

Nánari upplýsingar veitir Sigríður Svava Sandholt ([email protected]) í síma 511-1225