Sérfræðingur í Viðskiptagreind
Hertz á Íslandi leitar að hæfileikaríkum og drífandi sérfræðingi í viðskiptagreind til að ganga til liðs við frábært teymi í deild Stafrænnar umbreytingar hjá Hertz. Starfið felur í sér ábyrgð á þróun og viðhaldi á vöruhúsi gagna, uppsetningu og eftirfylgni með mælaborðum og önnur fjölbreytt verkefni með það að leiðarljósi að auka skilvirkni og bæta rekstur fyrirtækisins.
Viðkomandi mun vinna þvert á deildir fyrirtækisins og gegna lykilhlutverki í því að hagnýta og byggja upp aðgengi að gögnum til stuðnings við upplýstar og gagnadrifnar ákvarðanatökur þvert á fyrirtækið.
- Hönnun, viðhald og þróun á mælaborðum og skýrslum fyrir stjórnendur og aðra hagsmunaaðila
- Þróun og viðhald á vöruhúsi gagna og öðrum gagnainnviðum
- Stuðla að nýsköpun og umbótum í gagnavinnslu, greiningum og framsetningu gagna innan fyrirtækisins
- Samstarf við teymi og deildir til að greina þarfir og nýta gögn til að styðja við ákvarðanatöku
- Háskólamenntun sem nýtist í starfi , t.d. á sviði viðskipta, verkfræði, gagnavísinda eða skyldra greina
- Reynsla af sambærilegu starfi er æskileg
- Reynsla og þekking á PowerBI , Excel, Jet Data Manager, ExMon eða sambærilegum lausnum er mikill kostur
- Góð færni í úrvinnslu og framsetningu gagna
- Metnaður, frumkvæði og sjálfstæði í starfi
- Færni í mannlegum samskiptum
- Góð íslensku og enskukunnátta
- Reglulegir viðburðir í boði fyrirtækisins
- Mjög virkt og öflugt starfsmannafélag
- Afsláttur frá samstarfsaðilum
- Niðurgreiddur hádegismatur
- Niðurgreiðsla á völdum námskeiðum
- Íþróttastyrkur
Bílaleiga Flugleiða (Hertz á Íslandi) var stofnað 1 apríl árið 1971 og er leyfishafi á íslandi fyrir vörumerkin Hertz og Firefly. Herz er ein stærsta bílaleiga landsins og sérhæfir sig í að leysa allar bílaþarfir einstaklinga og fyrirtækja hvort sem það er í skammtímaleigu, langtímaleigu eða bílasölu. Hertz rekur fjölbreyttan bílaflota allt frá smábílum upp í smárútur, lúxusbíla og sendibíla.
Hjá Hertz á Íslandi starfa um 140 starfsmenn út um allt land. Stærstu starfsstöðvar okkar eru í Keflavík, Hafnarfirði og Reykjavík, einnig erum við með útleigustöðvar á Akureyri, Egilsstöðum, Ísafirði og Skagaströnd.
Íslenska
Enska
