Sérfræðingur í verðtölfræði

Hefur þú áhuga á að varpa ljósi á verðlagsþróun í þjóðfélaginu? Hagstofa Íslands leitar eftir sérfræðingi í metnaðarfullt teymi verðvísitalna sem vinnur greiningar og útgáfur á verðvísitölum.

Helstu verkefni og ábyrgð

Starfið felur í sér vinnu við mælingu, útreikning og útgáfu verðvísitalna og annarrar verðtölfræði. Þróun á aðferðafræði, umbætur og gæði eru mikilvægur hluti starfsins, auk þjónustu við notendur og kynningu á aðferðafræði. Viðfangsefnin eru fjölbreytt m.a. samskipti við innlenda og erlenda aðila.

• Háskólamenntun í hagfræði, stærðfræði, verkfræði eða skyldum greinum

• Þekking og reynsla af forritun, s.s. R eða Python

• Reynsla af greiningu og framsetningu tölulegra upplýsinga

• Þekking á efnahagsmálum er kostur

• Þekking á vísitölufræðum er kostur

• Góð íslensku- og enskukunnátta í ræðu og riti

• Nákvæmni og vönduð vinnubrögð

• Frumkvæði, skipulögð og sjálfstæð vinnubrögð

• Góð samskipta- og samstarfshæfni

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Hvað býður Hagstofan upp á?

• Krefjandi og spennandi verkefni

• Vinnu í samfélagslega mikilvægu hlutverki

• Skemmtilegt samstarfsfólk

• Gott mötuneyti

• Íþróttastyrk

• Samgöngustyrk

• Sveigjanlegan vinnutíma

• Möguleika til fjarvinnu

• Hjólageymslu og bílastæði

• Virkt starfsmannafélag skipuleggur fjölbreytta viðburði fyrir starfsfólk.

Leiðarljós Hagstofunnar eru þjónusta - áreiðanleiki - framsækni.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út. Öll sem telja sig hæf í starfið eru hvött til að sækja um óháð kyni og uppruna. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 einstaklinga.

Frekari upplýsingar um stofnunina má finna á vef Hagstofunnar www.hagstofa.is

Vertu hluti af liðsheild sem vinnur að því að skapa traustar upplýsingar fyrir samfélagið

Í grunninn er starfið staðbundið við skrifstofu Hagstofunnar.