Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Verkefnastjóri á hönnunar- og framkvæmdadeild

Hönnunar- og framkvæmdadeild Landspítala leitar að öflugum verkefnastjóra í okkar frábæra teymi, sem stendur fyrir breytingum, meiriháttar viðhaldi og þróun á fasteignum spítalans.

Deildin er á rekstrar- og mannauðssviði spítalans og sinnir heildstæðri verkefnastjórnun framkvæmdaverka frá frumhönnun til afhendingar. Verkefnin eru fjölbreytt, bæði innan og utanhúss og snúa bæði að byggingum og tækjum spítalans. Unnið er með notendum í klínískri starfsemi og öðrum hagsmunaaðilum. Deildin sér einnig um eignaumsýslu á fasteignum spítalans sem er með starfsemi í um 160.000 m², víðs vegar á höfuðborgarsvæðinu. Deildin skorar hátt í starfsánægjukönnunum og þar starfa reynslumiklir verkefnastjórar og verkstjórar.

Við leitum að einstaklingi með háskólapróf sem nýtist í starfi, farsæla reynslu af verkefnastjórnun og brennandi áhuga á að vinna með stjórnendum, starfsfólki og aðilum innan og utan spítalans að framkvæmdum á spítalanum. Starfshlutfall er 100%, sem er 36 stunda vinnuvika, með styttingu vinnuvikunnar.

Menntunar- og hæfniskröfur

Framúrskarandi leiðtoga- og samskiptahæfileikar, jákvætt lífsviðhorf og lausnamiðuð nálgun

Frumkvæði, drifkraftur og stefnumótandi hugsun

Íslenska C1 og enska B2 á ETM sjálfsmatsramma CEFR

Háskólamenntun sem nýtist í starfi

Framhaldsmenntun á háskólastigi æskileg

Helstu verkefni og ábyrgð

Áætlanagerð og stýring verkefna á hönnunar- og framkvæmdastigi

Kröfulýsingar og eftirlit með meiriháttar viðhaldi bygginga Landspítala

Samskipti við byggingaryfirvöld, ytri eftirlitsaðila, ráðgjafa, notendur og verktaka

Þátttaka í stöðugum umbótum og þróun

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Verkefnastjóri, verkfræðingur, tæknifræðingur, byggingafræðingur, arkitekt.

Nánari upplýsingar

Helgi Björn Ormarsson, [email protected],

Árný Ósk Árnadóttir, [email protected],

Framkvæmdir

Skaftahlíð 24

105 Reykjavík

Auglýsing birt6. mars 2025

Umsóknarfrestur24. mars 2025

Tungumálahæfni

Engar sérstakar tungumálakröfur

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)