Ertu klár í gervigreind?

DataLab hefur frá árinu 2016 framleitt hugbúnaðarlausnir sem nýta gervigreind og gagnatækni.

Við erum sérfræðingar í hefðbundinni gervigreind - Traditional AI - og einnig hinni nýju og spennandi spunagreind - Generative AI. Þar að auki þekkjum við vel alla þá gagnatækni sem kemur við sögu í slíkum gagnalausnum.

Einnig veitum við viðskiptavinum ráðgjöf um hvernig þau geti nýtt þessa tækni með skynsamlegum hætti í starfsemi sinni.

-----------

Við hækkum nú flugið og stækkum teymið.

Við leitum að landsins helstu sérfræðingum í gervigreind. Bæði til að framleiða slíkar lausnir en einnig til að veita ráðgjöf um hagnýtingu tækninnar.

Sem sagt tveir prófílar sem við leitum að. Ef þú tékkar í annan máttu sækja um. Ef þú tékkar í báða máttu endilega sækja um.

#1 Við leitum að einstaklingum með tæknilegan bakgrunn á sviði gervigreindar, gagnatækni og hugbúnaðarþróunar sem geta lagt hönd á plóginn í framleiðslu gervigreindarlausna fyrir kröfuharða viðskiptavini á Íslandi.

#2 Við leitum að einstaklingum sem geta sinnt ráðgjöf um hagnýtingu gervigreindar í starfsemi fyrirtækja og stofnana. Þau þurfa að vera með djúpan tæknilegan bakgrunn en jafnframt að hafa góðan skilning á gangverkinu á vinnustöðum þessa lands, hjá opinberum aðilum og fyrirtækjum. Hér er á ferðinni tækifæri fyrir einstakling sem hefur sinnt þróun slíkra lausna að taka skrefið yfir í alhliðagervigreindarráðgjafa!

Þín sérhæfing gæti verið á einu af eftirfarandi sviðum

• Data Engineering / Gagnaverkfræði
• Data Science & AI / Gagnavísindi og gervigreind
• Software Engineering / Hugbúnaðarverkfræði
• Computer Science / Tölvunarfræði

Með annað augað á gervigreindinni og hagnýtingu hennar til góðra verka og hitt á gagnatækni og hugbúnaðarþróun.