Landskerfi bókasafna hf.

Sérfræðingur í tæknilegum lausnum

Landskerfi bókasafna leitar að metnaðarfullum sérfræðingi til styðja við og þróa stafrænar lausnir fyrir bókasöfn um allt land á grunni bókasafnakerfanna Gegnir og Leitir.

Viðkomandi verður hluti af þverfaglegu teymi og starfið hentar vel þeim sem hafa áhuga á upplýsingatækni, gagnavinnslu og nýsköpun. Starfið krefst frumkvæðis, greiningarhæfni og getu til að leysa úr flóknum úrlausnarefnum með það að markmiði að efla þjónustu bókasafna.

Verkefni munu að einhverju leyti taka mið af þekkingu, reynslu og áhugasviði þess einstaklings sem verður ráðinn.

Helstu verkefni og ábyrgð

Rekstur og viðhald safnagáttarinnar leitir.is.
Þróun og viðhald vefja.
Þróun stafrænna þjónusta fyrir notendur bókasafna.
Verkefni tengd gagnavinnslum og vefþjónustum.
Nýsköpun og þróun.
Notanda- og kerfisþjónusta við söfn.
Önnur tilfallandi verkefni.

Menntunar- og hæfniskröfur

Háskólamenntun á sviði tölvunarfræði, verkfræði eða sambærilegt.
Reynsla af að vinna með gögn.
Þekking á gagnasniðum og gagnavísindum.
Góð þekking á núverandi vefforritun (með áherslu á framenda).
Reynsla af þróun vefþjónusta.
Hæfni til að setja sig inn í flókin kerfi og byggja ofan á þau.
Frumkvæði og sjálfstæði í starfi.
Góð samskiptahæfni, þjónustulund og geta til að vinna í þverfaglegu teymi.
Gott vald á íslensku og/eða ensku í rituðu og mæltu máli.
Skipulögð og öguð vinnubrögð.

Mikill kostur er ef umsækjandi hefur þekkingu eða reynslu af:

Þekking á Gegni og Leitir.is
Uppbyggingu lýsigagna bókasafna.
Kunnátta í SQL, Oracle Analytics.
Kerfisstjórn (Linux, vefþjónustur).
Angular, node.js.
Opnum gögnum og aðgengismálum.
Verkefnastjórnun.

Landskerfi bókasafna er hlutafélag í eigu ríkis og sveitarfélaga. Tilgangur þess er að reka upplýsinga- og skráningarkerfi fyrir bókasöfn og eftir atvikum önnur söfn á Íslandi og veita þeim tengda sérfræðiþjónustu.
Landskerfið rekur bókasafnakerfið Gegni, leitargáttina leitir.is og Rafbókasafnið og þjónustar um 300 bókasöfn. Starfsmenn félagsins eru tíu talsins.

Nánari upplýsingar má finna á https://landskerfi.is/

Umsóknarfrestur er til og með 11. mars nk.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson ([email protected]).