Landskerfi bókasafna hf.

Sérfræðingur í bókasafnakerfum og gagnavinnslu

Landskerfi bókasafna leitar að metnaðarfullum og tæknilega sterkum einstaklingi til að þróa og viðhalda sérhæfðum þjónustum fyrir bókasöfnin á Íslandi á grunni bókasafnakerfanna Gegnir og Leitir. Viðkomandi þarf að geta unnið bæði sjálfstætt og í þverfaglegu teymi sem sinnir þjónustu- og þróunarverkefnum fyrir bókasöfn.

Starfið krefst þekkingar á starfsumhverfi bókasafna og áhuga á að vinna að framförum í umhverfi þeirra. Það mun að einhverju leyti taka mið af þekkingu, reynslu og áhugasviði þess einstaklings sem verður ráðinn.

Helstu verkefni og ábyrgð

Umsjón sameiginlegra gagna bókasafna byggt á högun kerfa.
Umsýsla bókfræðigagna í bókasafnakerfunum og sérhæfðar gagnavinnslur.
Þróun og innleiðing lausna sem stuðla að aukinni sjálfvirkni í gagnaumsýslu.
Uppbygging og viðhald sérhæfðra kerfisþjónusta.
Notandaþjónusta og ráðgjöf til bókasafna.
Gerð verkferla og leiðbeininga.
Önnur tilfallandi verkefni.

Menntunar- og hæfniskröfur

Háskólamenntun sem nýtist í starfi, bókasafns- og upplýsingafræði eða skylt fag.
Þekking á bókasafnakerfinu Gegni.
Þekking á safnastarfi og skráningarmálum bókasafna.
Reynsla af gagnavinnslu og þekking á gagnagrunnum og stöðlum.
Mjög góð tölvufærni.
Hæfni til að greina og leysa flókin úrlausnarefni á skilvirkan hátt.
Frumkvæði og sjálfstæði í starfi og ögun í vinnubrögðum.
Góð samskiptahæfni, þjónustulund og geta til að vinna í þverfaglegu teymi.
Gott vald á íslensku og/eða ensku í rituðu og mæltu máli.

Mikill kostur er ef umsækjandi hefur þekkingu eða reynslu af:

Högun lýsigagna bókasafna.
Rafrænum áskriftum og utanumhalds þeirra í háskólaumhverfinu.
Gagnasniðum og gagnavísindum.
SQL, Oracle Analytics.
Opnum gögnum.
Vefþjónustum.
Miðlun og kennslu.

Landskerfi bókasafna er hlutafélag í eigu ríkis og sveitarfélaga. Tilgangur þess er að reka upplýsinga- og skráningarkerfi fyrir bókasöfn og eftir atvikum önnur söfn á Íslandi og veita þeim tengda sérfræðiþjónustu.
Landskerfið rekur bókasafnakerfið Gegni, leitargáttina leitir.is og Rafbókasafnið og þjónustar um 300 bókasöfn. Starfsmenn félagsins eru tíu talsins.

Nánari upplýsingar má finna á https://landskerfi.is/

Umsóknarfrestur er til og með 11. mars nk.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson ([email protected]).