FP&A Partner / Sérfræðingur

Um Teya

Teya er fjártæknifyrirtæki, stofnað í Bretlandi árið 2019, með það meginmarkmið að skapa greiðslu- og hugbúnaðarlausnir fyrir lítil og meðalstór fyrirtæki. Teya er hér til að hjálpa fyrirtækjum að sjálfvirknivæða og einfalda reksturinn.

Hingað til hafa lítil og meðalstór fyrirtæki ekki verið í forgangi þegar kemur að þróun og innleiðingu lausna á sviði fjármála- og tækniþjónustu. Flókin verð, falin gjöld, bindandi samningar og fjöldi mismunandi þjónustuaðila gerir daglegan rekstur fyrirtækja flókinn. Við erum hér til að breyta því!

Við erum árangursdrifin og leggjum áherslu á viðhorf frekar en reynslu. Okkar helsta áhersla er að skapa lausnir sem hjálpa fyrirtækjum að vaxa og dafna.

Teya hefur auk þess lagt áherslu á að fjárfesta í íslensku hugviti, eins og SalesCloud, Dineout og Noona.

FP&A Partner

Við erum að leita að metnaðarfullum FP&A sérfræðingi til að vinna náið með leiðtogahópi Teya á Íslandi. Samhliða því að útbúa fjárhagsáætlanir og greiningar munt þú styðja við stefnumótun fyrirtækisins og hjálpa til við að móta framtíð og vöxt Teya á Íslandi.

Í þessu hlutverki munt þú bera ábyrgð á:

• Að útbúa skýrslur um fjárhagslegan og viðskiptalegan árangur til að styðja við ákvarðanatöku. Þetta felur í sér m.a. rekstrar-, fjárhags- og KPI greiningar
• Að veita gagnadrifna innsýn og ráðleggingar til að knýja fram verðmætasköpun
• Áætlanagerð og fjárhagsspá fyrir starfsemi Teya á Íslandi
• Kostnaðarstýring á útgjöldum og birgjasamböndum Teya á Íslandi
• Aðrar tilfallandi fjármálagreiningar og skýrslugerð með hjálp viðskiptagreindar
• Sjóðstreymisgreiningar og spár í samvinnu við fjárstýringu Teya
• Tryggja nákvæmni og samræmi í áætlanagerð
• Kynna niðurstöður fyrir stjórnendum
• Vinna náið með öðrum teymum fjármálasviðs Teya þvert á lönd

Um þig

• 3-5 ára reynsla af FP&A eða öðru sambærilegu hlutverki
• Greiningarhæfni á sviði fjármála og rekstrar
• Þekking á notkun viðskiptagreindar- og SQL fyrirspurnartóla
• Metnaðarfull/ur og tilbúin/n að bretta upp ermar
• Sjálfstæð/ur og fær um að sinna verkefnum með takmarkaðri leiðsögn
• Þrífst vel í hröðu umhverfi
• Leggur áherslu á nákvæmni
• Hæfni til að miðla flóknum hugmyndum og fjárhagsupplýsingum á skilvirkan og hnitmiðaðan hátt
• Gott vald á ensku og íslensku
• Reynsla af greiðslumiðlun og/eða fjártækni er kostur en ekki skilyrði

Kjör og fríðindi

• Sveigjanlegur vinnutími
• Gjaldfrjálst aðgengi að léttu fæði á vinnutíma
• Niðurgreiddur hádegismatur í mötuneyti
• Heilsustyrkur og aðrir styrkir í gegnum SSF stéttarfélag
• Vinnutölva
• Tækifæri til að þróast í starfi alþjóðlega
• Frábær starfsandi og virkt starfsmannafélag

Umsókninni skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni í starfið. Við hvetjum alla einstaklinga, óháð kyni, kynþætti, fötlun, kynhneigð, viðhorfum eða aldri, til að sækja um.