Persónuvernd

Hlutverk Persónuverndar er að gæta hagsmuna almennings þannig að mannréttindi séu ekki brotin við meðferð persónuupplýsinga. Persónuvernd er sjálfstæð stofnun með sérstaka stjórn. Hún tekur ekki við fyrirmælum frá stjórnvöldum eða öðrum aðilum. Persónuvernd er leiðandi á sviði persónuverndar og meðferðar persónuupplýsinga á Íslandi og leitast við að tryggja að stofnanir og einkaaðilar þekki og fari eftir lögum og reglum um meðferð persónuupplýsinga. Stofnunin eflir þekkingu, vitund og skilning almennings á áhættu, reglum, verndarráðstöfunum og réttindum í tengslum við vinnslu persónuupplýsinga í þeim tilgangi að almenningur geti staðið vörð um réttindi sín og friðhelgi, svo og vitund ábyrgðaraðila og vinnsluaðila um skyldur sínar. Persónuvernd hefur skýra sýn á hlutverk sitt og ábyrgð í samfélaginu. Gildi stofnunarinnar eru þekking, trúverðugleiki og fagmennska og samanstendur innra og ytra starf stofnunarinnar af þessum þáttum sem unnið er af samheldnum og traustum mannauði.

Vinnustaðurinn

Sérfræðingur í upplýsingaöryggi

Persónuvernd óskar eftir að ráða kraftmikinn sérfræðing í upplýsingaöryggi á Eftirlitssvið stofnunarinnar. Um er að ræða fjölbreytt starf sem kallar á þverfaglega vinnu með öðrum sérfræðingum Persónuverndar.

Helstu verkefni og ábyrgð

· Yfirumsjón með afgreiðslu tilkynninga um öryggisbresti.

· Yfirumsjón með upplýsingaöryggi hjá Persónuvernd.

· Rannsókn mála sem varða tölvu- og upplýsingakerfi.

· Leiðbeiningar, ráðgjöf og fræðsla til annarra starfsmanna Persónuverndar, þ.m.t. varðandi upplýsingatækni og upplýsingaöryggi.

· Þátttaka í innlendu og alþjóðlegu samstarfi um upplýsingatækni og upplýsingaöryggi.

Menntunar- og hæfniskröfur

· Menntun á sviði upplýsingaöryggis, netöryggis, hugbúnaðarverkfræði, tölvunarfræði eða skyldra greina, frá háskóla eða önnur framhaldsmenntun á sviðinu.

· Nýjasta þekking á upplýsingatækni og upplýsingaöryggi og frumkvæði til að viðhalda henni.

· Þekking á alþjóðlegum stöðlum á sviði upplýsingaöryggis, svo sem ISO/IEC 27001, er kostur.

Framtakssemi, ábyrgð, öguð vinnubrögð og greiningarhæfni.

Færni til að miðla upplýsingum og til að vinna sjálfstætt og í teymi.

· Mjög góð enskukunnátta er áskilin og íslenskukunnátta er kostur.

Um fullt og ótímabundið starf er að ræða með gagnkvæmum sex mánaða reynslutíma. Æskilegt er að viðkomandi geti hafið störf sem fyrst. Laun og önnur starfskjör ákvarðast af viðeigandi kjarasamningi. Starfið heyrir undir sviðsstjóra Eftirlitssviðs.

Sótt er rafrænt um starfið á www.starfatorg.is eða með tölvupósti á netfangið postur[hjá]personuvernd.is. Umsóknarfrestur er til og með 28. mars nk. Með umsókn þarf að fylgja starfsferilskrá, kynningarbréf þar sem gerð er grein fyrir ástæðu umsóknar og hæfni umsækjanda til að gegna starfinu, og afrit af prófskírteinum, eftir því sem við á. Öllum umsóknum verður svarað að ráðningu lokinni og geta umsóknir gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa.

Persónuvernd er eftirlitsstofnun á sviði mannréttinda. Meginhlutverk hennar er að hafa eftirlit með því að öryggi upplýsinga um okkur öll sé tryggt og þær meðhöndlaðar af virðingu. Verkefni Persónuverndar eru fjölbreytt, áhugaverð og snerta flesta þætti samfélagsins. Persónuvernd er þekkingarvinnustaður sem leggur ríka áherslu á að búa starfsfólki sínu framúrskarandi starfsumhverfi. Starfsfólk getur fengið líkamsræktarstyrki og nýtur sveigjanlegs vinnutíma. Starfrækt er starfsmannafélag sem stendur fyrir reglulegum viðburðum.

Nánari upplýsingar um starfið veitir Bjarni Freyr Rúnarsson, sviðsstjóri Eftirlitssviðs, bjarni.f.runarsson[hjá]personuvernd.is.

Auglýsing birt3. mars 2025

Umsóknarfrestur28. mars 2025

Tungumálahæfni