Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Sérfræðingur í Loftslags- og orkusjóð

Laust er til umsóknar spennandi starf sérfræðings á sviði orkuskipta og hringrásarhagkerfis. Starfið felst í rekstri Loftslags- og orkusjóðs. Viðkomandi hefur umsjón með umsóknum í sjóðinn og útdeilingu styrkja til styrkþega meðal annars. Auk þess felst í starfinu, tæknivöktun lausna í orkuskiptum og loftslagsmálum, umsjón með bókhaldi, ársreikningum og samskipti við umsækjendur og styrkþega. Jafnframt samvinna við yfirvöld, stjórn sjóðsins og aðra aðila bæði innanlands og erlendis. Samskipti eru við evrópskar og alþjóðlegar stofnanir. Jafnframt sinnir viðkomandi ráðgjöf til umsækjenda um helstu þætti orkuskipta. Við ákvörðun um útdeilingar úr sjóðnum er farið eftir lögum og skuldbindingum t.d. EES samninga. Loftslags- og orkusjóður starfar samkvæmt lögum 76/2020.

Helstu verkefni og ábyrgð

Umsjón með rekstri Loftslags- og orkusjóðs
Mótun stuðningsverkefna fyrir orkuskipti og samdrátt í losun gróðurhúsalofttegunda
Umsjón með auglýsingu styrkja, umsóknaferli og útdeilingu styrkja til umsækjenda skv. skilgreindu ferli
Gerð samninga við styrkþega
Eftirfylgni samþykktra verkefna vegna breytinga á útfærslum eða öðru
Frágangur fjárhagslegra uppgjöra verkefna
Bókhald sjóðsins
Aðstoð við útgáfu ársreiknings
Er starfsmaður sjóðsstjórnar og hefur umsjón með fundum stjórnar
Miðlun upplýsinga um orkuskiptaáætlanir til hagaðila

Menntunar- og hæfniskröfur

Verkfræði- eða tæknimenntun eða önnur háskólamenntun sem nýtist í starfi
Þekking og/eða reynsla af orkumálum, loftslagsmálum og orkuskiptum
Reynsla af að leiða verkefni og virkja ólíka aðila til samstarfs er skilyrði
Reynsla af að starfa í teymi er kostur
Stafræn verkefni – þekking og geta til að sýna frumkvæði
Reynsla af úrvinnslu og útgáfu gagna
Framúrskarandi samskiptahæfni er mikilvæg
Gott vald á íslensku og ensku bæði í ræðu og riti
Góð samstarfshæfni og sveigjanleiki í samskiptum er skilyrði
Skipulögð og sjálfstæð vinnubrögð
Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa þann 1.1.2025 við sameiningu Orkustofnunar og hluta Umhverfisstofnunar.

Vinnuumhverfi nýrrar stofnunar verður metnaðarfullt og við viljum laða að öflugt fagfólk sem leggur áherslu á sífelldar umbætur og stafræna þróun. Áhersla verður á heilsu, öryggi og vellíðan í starfi og að búa til skilyrði fyrir starfsfólk okkar til að þróast og eflast í starfi. Við erum með 36 stunda vinnuviku og sveigjanlegan vinnutíma. Víða verður starfsaðstaða í verkefnamiðuðu vinnuumhverfi og lögð áhersla á bjóðandi andrúmsloft fyrir allt starfsfólk. Sjá nánari upplýsingar um Umhverfisstofnun á umhverfisstofnun.is og Orkustofnun á os.is en nýr vefur Umhverfis- og orkustofnunar uos.is opnar fljótlega

Hvar má bjóða þér að vinna?
Höfuðstöðvar Umhverfis- og Orkustofnunar eru á Akureyri en stofnunin hefur 6 starfsstöðvum um landið; Akureyri, Mývatnssveit, Egilsstaði, Selfoss, Reykjavík og Hvanneyri.

Næsti yfirmaður sérfræðingsins er Sigurður Ingi Friðleifsson sviðsstjóri sem veitir einnig nánari upplýsingar um starfið auk Þóru Margrétar Pálsdóttur Briem mannauðsstjóra í síma 569 6000

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Auglýsing birt6. febrúar 2025

Umsóknarfrestur17. febrúar 2025

Tungumálahæfni