Sérfræðingar á skrifstofu fjármála og rekstrar
Dómsmálaráðuneytið auglýsir eftir tveimur sérfræðingum á skrifstofu fjármála og rekstrar til að starfa í stefnumótun og verkefnastýringu.
Starfið felur í sér vinnu við stefnumótun þvert á málaflokka ráðuneytisins í samstarfi við sérfræðinga á hinum ýmsu fagskrifstofum þess. Þá mun starfið fela í sér verkefnastýringu og samhæfingu í stærri verkefnum ráðuneytisins, auk samninga og samskipti við ráðgjafa/birgja vegna þeirra verkefna.
Þá felst einnig í starfinu umsýsla er varða málefni styrktarsjóðs Evrópusambandsins um stjórnun landamæra og útgáfu áritana (Border Management and Visa Instruments). En hún felst meðal annars í samskiptum við styrkþega sjóðsins vegna umsókna um styrki, upplýsingagjöf, eftirfylgni með umsóknum, yfirferð á tölulegum gögnum vegna umsókna, framvinduskýrslum ásamt því að annast vefsíðu sjóðsins.
· Háskólapróf sem nýtist í starfi
· Reynsla af verkefnastjórnun er kostur
· Reynsla af stefnumótun er kostur
· Reynsla af vinnu við fjárhagsleg gögn kostur
· Mjög góð færni í íslensku og ensku, bæði í töluðu og rituðu máli
· Góð hæfni í framsetningu upplýsinga
· Frumkvæði og geta til að starfa sjálfstætt sem og í hóp
· Þjónustulund og góð hæfni í mannlegum samskiptum
· Drifkraftur, metnaður og skipulagshæfileikar