Embla Medical | Össur

Össur var stofnað á Íslandi árið 1971 og er alþjóðlegt heilbrigðistæknifyrirtæki sem hannar og framleiðir stoðtæki, spelkur og stuðningsvörur. Markmið okkar er að bæta hreyfanleika fólks og gera því kleift að lifa lífinu án takmarkana. Embla Medical var stofnað árið 2024 til að styðja við áframhaldandi vöxt félagsins í heilbrigðistækni. Vörumerkin Össur, College Park, Fior & Gentz og ForMotion tilheyra öll Emblu Medical. Við erum leiðandi afl á heimsvísu með um 4.500 starfsmenn í yfir 40 löndum. Höfuðstöðvarnar eru á Íslandi en starfsstöðvar víða um heim sinna vaxandi markaði. Félagið er skráð á hlutabréfamarkað í Danmörku. Mannauðurinn er kjarninn í okkar árangri. Sem hátæknifyrirtæki leggjum við ríka áherslu á að laða að okkur hæft og metnaðarfullt starfsfólk sem leggur sig fram og sýnir frumkvæði.

Vinnustaðurinn

Quality Center Engineer

Hefur þú áhuga á að skilja hvers vegna hlutir bila eða brotna? Nýturðu þess að leysa flókin vandamál með greiningu og kerfisbundinni nálgun?

Gæðasetur Össurar leitar að jákvæðum og metnaðarfullum sérfræðingi í greiningu á spelkum, sem mun leiða aðferðir við bilanagreiningu þvert á alþjóðlegar starfsstöðvar Össurar. Starfið felur í sér greiningu á spelkum sem berast frá viðskiptavinum, svörun við fyrirspurnum tengdum gæðum og bilunum, ásamt því að þróa og bæta verklag við bilanagreiningu. Þú munt vinna náið með mörgum deildum, þar á meðal þróunardeild, framleiðsludeild og gæðadeildum víða um heim, með það að markmiði að bæta áreiðanleika vara og öryggi notenda.

Helstu verkefni og ábyrgð

Sérfræðingur í bilanagreiningum á spelkum.
Greina spelkur sem berast frá viðskiptavinum og meðhöndla kvartanir.
Framkvæma kerfisbundið mat á virkni spelkna á markaði.
Meta áhættu, greina orsakir bilana og bregðast við fyrirspurnum viðskiptavina.
Þróa og viðhalda aðferðum og verklagi tengdu greiningu á spelkum.
Hanna búnað og bæta aðferðir fyrir greiningar.
Koma niðurstöðum greininga skýrt á framfæri í skýrslum og samskiptum við aðrar deildir.
Styðja Gæðasetrið í öðrum verkefnum tengdum gervifótum, eins og prófunum á vörum og skýrslugerð.

Menntunar- og hæfniskröfur

Háskólagráða (BS) í verkfræði eða skyldu fagi, t.d. vélaverkfræði, efnafræði eða tæknifræði.
Að lágmarki 3 ára reynsla í verkfræði tengdri véltækni, smíði, bilunum eða brotfræðum.
Haldbær þekking og reynsla á efna-, efnis- eða brotfræði.
Góð færni í gagnameðhöndlun (Excel, Pivot töflur, Power BI er kostur).
Sterkur greiningarhæfileiki og áhugi á að leita orsaka bilana.
Þekking á kröfum fyrir lækningatæki er kostur.
Góð samskiptafærni og hæfni til að skýra tæknileg málefni á skiljanlegan hátt.
Geta til að vinna sjálfstætt og í teymi.
Framúrskarandi kunnátta í ensku, bæði í rituðu og töluðu máli.

Fríðindi í starfi