Sjúkratryggingar Íslands

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu allt að 2 daga í viku auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna. Stofnunin hefur undanfarin ár tekið þátt í verkefninu um styttingu vinnuvikunnar og er vinnuvikan 36 stundir.

Vinnustaðurinn

Öryggis- og gæðastjóri

Sjúkratryggingar Íslands óska eftir að ráða metnaðarfullan og kraftmikinn aðila til að leiða öryggis- og gæðamál stofnunarinnar.

Sjúkratryggingar eru lykilstofnun í íslensku heilbrigðiskerfi. Við tryggjum aðgengi að góðri og hagkvæmri heilbrigðisþjónustu með það markmið að vernda heilbrigði og jafnan aðgang að heilbrigðisþjónustu óháð efnahag. Ef þú hefur brennandi áhuga á öryggis- og gæðamálum og vilt leiða spennandi verkefni, þá gæti þetta verið starfið fyrir þig.

Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna.

Helstu verkefni og ábyrgð

Yfirumsjón með innleiðingu stjórnkerfis upplýsingaöryggis að fyrirmynd ISO 27001 og NIS2 tilskipunarinnar um netöryggi
Ábyrgð á gæða- og upplýsingaöryggiskerfi Sjúkratrygginga
Þróa verklagsreglur og leiðbeiningar tengdum öryggis- og gæðamálum
Yfirumsjón með gerð áhættumats fyrir upplýsingatækniumhverfi
Ráðgjöf og fræðsla til stjórnenda og starfsmanna í tengslum við gæðamál og upplýsingaöryggi
Aðkoma að samningagerð og samskiptum er varðar gæða- og öryggismál

Menntunar- og hæfniskröfur

Háskólamenntun sem nýtist í starfi
Þekking og reynsla af gæða- og upplýsingaöryggismálum
Reynsla af störfum tengdum upplýsingaöryggi samkvæmt ISO 27001 og NIS2 tilskipunarinnar er kostur
Skipulagshæfileikar og hæfni í að miðla upplýsingum í töluðu og rituðu máli
Leiðtogahæfni, frumkvæði, metnaður og sjálfstæði í vinnubrögðum
Jákvæðni og lipurð í mannlegum samskiptum
Sterk íslensku- og enskukunnátta

Fríðindi í starfi

Verkefnamiðað vinnuumhverfi þar sem rík áhersla er lögð á góðan aðbúnað starfsmanna

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Æskilegt er að viðkomandi geti hafið störf sem fyrst. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.

Starfshlutfall er 100%

Auglýsing birt18. mars 2025

UmsóknarfresturEnginn

Tungumálahæfni