Embætti ríkislögreglustjóra

Embætti ríkislögreglustjóra er ríkisstofnun sem heyrir undir dómsmálaráðuneytið. Ríkislögreglustjóri hefur með höndum samhæfingu og samræmingu í störfum lögreglu og annast ákveðna miðlæga þjónustu við lögregluembættin. Ríkislögreglustjóri hefur einnig með höndum sérstök verkefni samkvæmt lögreglulögum nr. 90/1996 og í samræmi við nánari ákvörðun ráðherra. Embætti ríkislögreglustjóra er lifandi vinnustaður þar sem starfa tæplega 200 starfsmenn sem sinna fjölbreyttum verkefnum. Lögð er áhersla á opin og jákvæð samskipti, markvissa starfsþróun og framfylgir embættið stefnu um samræmingu fjölskyldulífs og vinnu.

Vinnustaðurinn

Mannauðssérfræðingur

Viltu taka þátt í að móta jákvætt og eflandi starfsumhverfi hjá embætti ríkislögreglustjóra?

Við leitum að jákvæðum, lausnamiðuðum og drífandi mannauðssérfræðingi í teymið okkar. Um er að ræða fjölbreytt og spennandi starf í síkviku umhverfi. Mannauðssérfræðingur fær tækifæri til að hafa áhrif, vera leiðandi, veita ráðgjöf og standa fyrir umbótum á sviði mannauðsmála. Ef þessi lýsing talar til þín, þá hvetjum við þig til að sækja um hjá okkur og það væri frábært ef þú gætir hafið störf sem allra fyrst.

Við leggjum áherslu á notkun bestu aðferða og jafnréttissjónarmið og gegnsæi í ákvarðanatöku hríslast í gegnum öll okkar verkefni. Við veitum ráðgjöf vegna kjara- og stofnanasamninga og vinnum í samræmi við jafnlaunastefnu embættisins. Helstu verkefni lúta að ráðgjöf og stuðningi við stjórnendur og starfsmenn, kortlagningu þekkingar, útfærslu markvissrar starfsþróunar og reglulegrar endurgjafar. Það er markmið okkar að embætti ríkislögreglustjóra sé eftirsóttur vinnustaður þar sem öflugir einstaklingar með ólíkan bakgrunn koma saman og leggja sitt af mörkum til að skapa lifandi vinnustaðamenningu sem einkennist af umburðalyndi, virðingu og jákvæðum samskiptum.

Embætti ríkislögreglustjóra er lifandi þekkingarvinnustaður sem býr að fjölbreyttum og framúrskarandi mannauði þar sem starfa rúmlega 250 starfsmenn sem sinna margbreytilegum verkefnum. Við leggjum áherslu á opin og jákvæð samskipti, markvissa starfsþróun og vinnum í samræmi við stefnu embættisins um samræmingu fjölskyldulífs og vinnu.

Stefna embættis ríkislögreglustjóra í hnotskurn:

Okkar tilgangur er að vernda og virða
Okkar sýn er að vinna að öruggara samfélagi
Okkar markmið er að vera þjónustudrifin, framsækin og upplýsandi
Okkar áhersla er á þjónustu - fagmennsku - mannauð - tækni - rekstur

Helstu verkefni og ábyrgð

Þátttaka í mótun jákvæðs og eflandi starfsumhverfis.
Þátttaka í þróun og innleiðingu mannauðsmælikvarða.
Umsjón með starfsþróun og fræðslu starfsfólks.
Gerð og viðhald handbóka, vinnuferla og leiðbeininga.
Ráðgjöf, þjónusta og stuðningur við stjórnendur og starfsmenn.
Þátttaka í ráðningum og móttöku nýs starfsfólks.
Aðkoma að þróun og stefnumörkun á sviði mannauðsmála.

Menntunar- og hæfniskröfur

Menntun, þekking og reynsla

Háskólamenntun sem nýtist í starfi í samræmi við kröfur starfs.
Yfirgripsmikil þekking og reynsla af mannauðsmálum.
Reynsla af gerð og innleiðingu mannauðsmælikvarða.
Áhugi og þekking á jafnrétti og inngildingu.
Reynsla af úrvinnslu tölfræðilegra gagna og miðlun efnis.
Reynsla af ráðningum.

Persónulegir eiginleikar

Færni og reynsla af því að sinna síbreytilegum verkefnum.
Metnaður til að takast á við flókin verkefni og ná árangri í starfi.
Framúrskarandi samskiptahæfni, leiðtogahæfni og jákvætt hugarfar.
Skipulagshæfni, nákvæm og traust vinnubrögð.
Frumkvæði í verkefnum sem og við hefðbundin störf.
Lausnamiðaður, opinn fyrir nýjungum og framsækinn.
Aðlögunarhæfni, geta starfað og tekið góðar ákvarðanir undir álagi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknir sem berast eftir að umsóknarfresti lýkur verða ekki teknar til greina. Umsóknir geta gilt í 6 mánuði frá lokum umsóknarfrests. Öllum umsóknum verður svarað þegar ákvörðun um ráðningu hefur verið tekin. Áskilinn er réttur til að hafna öllum umsóknum.

Umsækjendur skulu senda inn ferilskrá að hámarki 2 bls. ásamt kynningarbréfi sem er að hámarki 1 bls. á íslensku þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu. Umsækjendum um störf hjá embætti ríkislögreglustjóra kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Starfshlutfall er 100%

Umsóknarfrestur er til og með 31.10.2024

Auglýsing birt15. október 2024

Umsóknarfrestur29. október 2024

Tungumálahæfni