Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisritari/ skrifstofumaður á myndgreiningardeild

Myndgreiningardeild vill ráða jákvæðan og þjónustulipran liðsmann til starfa. Um er að ræða fullt dagvinnustarf sem felur í sér mikil samskipti og fjölbreytt og krefjandi verkefni. Viðkomandi þarf að vera sjálfstæður í starfi og fljótur að tileinka sér hlutina.

Á deildinni starfa um 200 einstaklingar bæði við Hringbraut og í Fossvogi; geislafræðingar, læknar, sjúkraliðar, náttúrufræðingar, lífeindafræðingar, aðstoðarfólk, skrifstofufólk og nemar í heilbrigðisgreinum. Þar fer fram fjölbreytt starfsemi í þágu þeirra sem nýta sér þjónustu Landspítala og þurfa á myndgreiningu að halda. Lögð er rík áhersla á jákvæðni, fagmennsku og virðingu gagnvart skjólstæðingum, samstarfsfólki og vinnustaðnum.

Helstu verkefni og ábyrgð

Umsjón með tölvubúnaði, pantanir á búnaði og dagleg aðstoð við notendur
Pantanir á því sem til fellur í daglegri starfsemi röntgendeildar
Aðstoð við stjórnendur röntgendeildar og skrifstofustjóra
Aðstoð við móttöku nýrra starfsmanna, nema og afleysingalækna
Almenn skrifstofustörf og verkefni samkvæmt ákvörðun yfirmanns hverju sinni

Menntunar- og hæfniskröfur

Heilbrigðisritaranám, stúdentspróf eða annað nám og/eða reynsla sem nýtist í starfi
Jákvætt viðmót, þjónustulipurð, góð samskiptahæfni og fagleg framkoma
Stundvísi og áreiðanleiki
Góð tölvukunnátta og færni í helstu tölvuforritum
Skipulögð og nákvæm vinnubrögð og sjálfstæði í starfi
Mjög góð íslenskukunnátta og góð enskukunnátta
Lögð er sérstök áhersla á ritfærni í íslensku

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Nánari upplýsingar

Guðrún Ólöf Þórsdóttir, [email protected],

Röntgendeild

Fossvogi

108 Reykjavík

Auglýsing birt11. október 2024

Umsóknarfrestur24. október 2024

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)