Ríkislögreglustjóri leitar að forritara

Ef hefur sérhæfingu í samþættingu og uppbyggingu þjónustulags þá erum við að leita að þér!

Embætti ríkislögreglustjóra leitar að metnaðarfullum sérfræðingi til að sinna forritun á þjónustu og samþættingarlagi lögreglunnar. Við bjóðum upp á frábært starfsumhverfi, fjölbreytt verkefni og samstarf við öflugt teymi sem á það sameiginlegt að hafa fjölbreyttan bakgrunn og brenna fyrir verkefnum sínum.

Verkefnin sem unnið er að eru fjölbreytt og spennandi og má þar nefna hönnun og útfærslu lausna, stuðningur við innleiðingu fjölbreyttra lausna fyrir lögregluna, tryggja að réttum hugbúnaðarþróunarferlum sé fylgt í hvívetna. Ef þessi lýsing vekur áhuga þinn, þá hvetjum við þig til að sækja um og verða hluti af því frábæra teymi sem starfar á þjónustusviði.

Embætti ríkislögreglustjóra er lifandi þekkingarvinnustaður sem býr að fjölbreyttum og framúrskarandi mannauði þar sem starfa rúmlega 250 starfsmenn sem sinna margbreytilegum verkefnum. Lögð er áhersla á opin og jákvæð samskipti, markvissa starfsþróun og unnið er í samræmi við stefnu embættisins um samræmingu fjölskyldulífs og vinnu.

Stefna embættis ríkislögreglustjóra í hnotskurn:

• Okkar tilgangur er að vernda og virða
• Okkar sýn er að vinna að öruggara samfélagi
• Okkar markmið er að vera þjónustudrifin, framsækin og upplýsandi.
• Okkar áhersla er á þjónustu - fagmennsku - mannauð - tækni - rekstur.