Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur við umsjón útskrifta á lungnadeild

Auglýst er eftir hjúkrunarfræðingi til starfa við skipulag og umsjón með útskrift sjúklinga lungnadeildar í Fossvogi í 40-60% starfshlutfall á móti öðrum hjúkrunarfræðingi í svona stöðu. Um er að ræða dagvinnu virka daga og er starfið laust frá desember 2024 eða eftir nánara samkomulagi. Möguleiki er á starfi í hærra starfshlutfalli á deildinni, t.d. í vaktavinnu á móti umsjón með útskriftum.

Lungnadeild er bráðalegudeild með hágæslurýmum og eina sérhæfða lungnadeildin á landinu. Þjálfun og fræðsla er í fyrirrúmi á deildinni og mörg námstækifæri. Á deildinni starfa um 70 manns í þverfaglegu teymi. Starfsandi á deildinni er mjög góður og tekið er vel á móti nýju fólki. Við leggjum okkur fram við að þjónustan við skjólstæðinga okkar sé til fyrirmyndar, öryggi þeirra sé tryggt og að þeim sé sýnd hlýja og umhyggja.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í .

Menntunar- og hæfniskröfur

Íslenskt hjúkrunarleyfi

Frumkvæði og sjálfstæði í vinnubrögðum

Jákvætt viðmót og góðir samskiptahæfileikar

Hæfni og geta til að starfa í teymi

Góð almenn þekking á íslensku heilbrigðiskerfi og félagsþjónustu er kostur

Reynsla af stjórnun verkefna er kostur

Góð íslenskukunnátta

Helstu verkefni og ábyrgð

Skipulag og umsjón með árangursríkum útskriftum sjúklinga í samstarfi við fjölskyldur, aðra fagaðila og stofnanir

Ákveða, skipuleggja og veita hjúkrunarmeðferð

Virk þátttaka í þróun og umbótum í starfi deildarinnar

Fylgjast með nýjungum í hjúkrun

Þátttaka í þverfaglegri teymisvinnu

Starfshlutfall: 40-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 3/5

Nánari upplýsingar

Guðrún Árný Guðmundsdóttir, gudrgudm@landspitali.is, 824-6019

Lungnadeild

Fossvogi

108 Reykjavík

Auglýsing birt9. október 2024

Umsóknarfrestur21. október 2024

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (39)