Lögmaður

Tvö störf lögmanna hjá embætti borgarlögmanns eru laus til umsóknar.

Um er að ræða áhugavert og fjölbreytt starf í krefjandi starfsumhverfi þar sem reynir á góða alhliða þekkingu á flestum réttarsviðum lögfræðinnar og sjálfstæð og öguð vinnubrögð. Áhersla er lögð á símenntun og miðlun þekkingar milli starfsfólks. Hjá embætti borgarlögmanns, sem er með aðsetur í Ráðhúsi Reykjavíkur, starfa níu lögmenn auk verkefnastjóra.

Um er að ræða fullt starf og greiðast laun samkvæmt kjarasamningi Reykjavíkurborgar og Stéttarfélags lögfræðinga. Æskilegt er að umsækjendur geti hafið störf sem fyrst.

Með umsókn skal fylgja afrit af málflutningsréttindum, ítarleg starfsferilskrá, sem sem fram koma upplýsingar um menntun og fyrri störf, ásamt kynningarbréfi þar sem gerð er grein fyrir ástæðu umsóknar og hvernig umsækjandi uppfyllir hæfniskröfur til að gegna starfinu.

Öllum umsóknum verður svarað þegar ákvörðun um ráðningu liggur fyrir. Athygli er vakin á því að umsóknir geta gilt í sex mánuði frá því að umsóknarfrestur rennur út.

Nánari upplýsingar um starfið veitir Ebba Schram borgarlögmaður í síma 411-4100 eða í gegnum netfangið ebba.schram@reykjavik.is.