Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Laus störf í miðlun og fræðslu í almannatengsladeild

Nærð þú vel til barna og ungmenna og ert fær í að miðla fræðsluefni á lifandi og skemmtilegan hátt á vef og samfélagsmiðlum?

Við leitum að tveimur öflugum sérfræðingum til starfa í almannatengsladeild. Í starfinu felst meðal annars móttaka og leiðsögn innlendra og erlendra gesta, umsjón með Skólaþingi og Lýðræðislest. Einnig vinnsla efnis fyrir vef og samfélagsmiðla og upplýsingagjöf til almennings, ásamt aðstoð við viðburðahald. Starfsfólk deildarinnar tekur þátt í teymisvinnu þvert á starfseiningar og fær ríkuleg tækifæri til að kynnast líflegu og skemmtilegu starfsumhverfi.

Helstu verkefni og ábyrgð

Móttaka og leiðsögn gesta
Umsjón með Skólaþingi og Lýðræðislest
Efnisvinnsla fyrir vef
Gerð fræðslu- og kynningarefnis í máli og myndum
Þátttaka í samfélagsmiðlateymi
Upplýsingagjöf til almennings
Aðstoð við viðburðahald og önnur verkefni

Menntunar- og hæfniskröfur

Háskólapróf sem nýtist í starfi, kennsluréttindi kostur
Reynsla af sambærilegu starfi
Framúrskarandi vald á íslensku og ensku og færni til að tjá sig í ræðu og riti
Önnur tungumálakunnátta kostur
Reynsla af ljósmyndun, myndbandagerð og grafískri hönnun kostur
Sjálfstæð, skapandi og lausnamiðuð hugsun
Skipulagshæfni og nákvæmni í vinnubrögðum
Jákvæðni, sveigjanleiki og samskiptahæfni

Umsækjendur eru beðnir um að sækja um starfið í ráðningarkerfi Orra. Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið, auk staðfestingar á prófgráðu. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni. Nánari upplýsingar um starfsemi Alþingis og skrifstofu þingsins er að finna á vef Alþingis.

Auglýsing birt7. mars 2025

Umsóknarfrestur17. mars 2025

Tungumálahæfni