

Hjúkrunarfræðingur á taugaendurhæfingardeild
Hefur þú áhuga á að starfa við hjúkrun innan taugaendurhæfingar?
Við leitum að hjúkrunarfræðingi sem hefur áhuga á að efla þekkingu sína í taugahjúkrun. Hjúkrunarfræðingar gegna lykilhlutverki í taugaendurhæfingunni og vinna náið með sjúklingnum, fjölskyldunni og þverfaglegu teymi.
Við leggjum áherslu á að þú fáir að vaxa í starfi en nýverið fékk deildin viðurkenningu frá Landspítala fyrir framúrskarandi námsumhverfi hjúkrunar- og sjúkraliðanema sem við erum afar stolt af. Einnig hefur mikil þróun hefur átt sér stað í taugahjúkrun og samstarfi þeirra eininga Landspítala sem sinna sjúklingum með taugasjúkdóma. Nýr taugaskóli fyrir hjúkrunarfræðinga er hluti af þeirri þróun og hefur það markmið að efla þekkingu og færni allra hjúkrunarfræðinga deildarinnar í sérhæfðri taugahjúkrun.
Deildin er 18 rúma meðferðar- og endurhæfingardeild fyrir sjúklinga með áverka eða sjúkdóma á taugakerfi sem koma frá bráðadeildum Landspítala. Markmiðið er að auka hæfni einstaklingsins til þess að takast á við athafnir daglegs lífs og/ eða auka líkamlega, andlega og félagslega færni þeirra. Unnið er eftir hugmyndafræði endurhæfingar sem felst m.a. í því að lögð er áhersla á að endurhæfingin sé sameiginlegt verkefni milli einstaklings sem í hlut á, þeirra sem standa honum næst og þverfaglegs teymis sem viðurkennir framlag allra þeirra sem í hlut eiga.
Íslenska




































