Fagstjóri grindarbotnssjúkraþjálfunar
Laust er til umsóknar starf fagstjóra grindarbotnssjúkraþjálfunar við sjúkraþjálfun Landspítala við Hringbraut.
Fagstjóri gegnir leiðandi klínísku og faglegu hlutverki og ber faglega ábyrgð á þróun, skipulagi og gæðum grindarbotnssjúkraþjálfunar í samráði við yfirmann. Starfið felur í sér sjálfstæða meðferð einstaklinga með flókinn grindarbotnsvanda, faglega forystu og ráðgjöf, þróun þjónustu og meðferðarúrræða, þverfaglegt samstarf og miðlun sérþekkingar.
Starfsvettvangur er göngudeild grindarbotns og kvennadeildir Landspítala, auk ráðgjafar og sérhæfðrar klínískrar þjónustu við aðrar deildir eftir þörfum.
Leitað er að sjúkraþjálfara með víðtæka klíníska reynslu og sérhæfða fagþekkingu á sviði grindarbotnssjúkraþjálfunar sem hefur áhuga á faglegri forystu og áframhaldandi þróun þjónustunnar.
Starfið er laust frá 1. janúar 2027 eða samkvæmt nánara samkomulagi.
Menntunar- og hæfniskröfur
Íslenskt starfsleyfi sem sjúkraþjálfari
Að lágmarki tveggja ára starfsreynsla á sviði grindarbotnssjúkraþjálfunar
Víðtæk klínísk reynsla og sérhæfð fagþekking á sviði grindarbotnssjúkraþjálfunar
Sí- og endurmenntun á fagsviðinu sem nýtist í starfi
Hæfni til sjálfstæðrar klínískrar ákvarðanatöku, faglegrar ráðgjafar og forystu á sérsviðinu
Þekking á gagnreyndum starfsháttum og hæfni til að leiða faglegt þróunar-, gæða- og umbótastarf
Góð samskipta- og teymisvinnufærni og hæfni til þverfaglegs samstarfs
Hæfni til kennslu, handleiðslu og miðlunar fagþekkingar
Frumkvæði, skipulagshæfni, sjálfstæði og lausnamiðuð nálgun í starfi
Meistarapróf eða sambærileg viðbótarmenntun sem nýtist í starfi er æskileg
Helstu verkefni og ábyrgð
Fagleg stjórnun, skipulag og þróun þjónustu á Göngudeild grindarbotns, ásamt sérhæfðri ráðgjöf og klínískri þjónustu við aðrar deildir Landspítala eftir þörfum
Sjálfstæð skoðun, klínískt mat og meðferð einstaklinga með flókinn grindarbotnsvanda
Fagleg forgangsröðun tilvísana og ráðgjöf vegna flókinna klínískra úrlausnarefna
Forysta í innleiðingu gagnreyndra starfshátta, gæða- og umbótastarfi og þróun meðferðarúrræða og verkferla
Þátttaka í stefnumótun og áframhaldandi uppbyggingu grindarbotnssjúkraþjálfunar
Þverfaglegt samstarf og þátttaka í þróun og samhæfingu þjónustunnar
Fræðsla, fagleg þjálfun og handleiðsla sjúkraþjálfara, nema og nýrra starfsmanna