Klínískur yfirlæknir í brjóstholsskurðlækningum
Laust er til umsóknar starf metnaðarfulls sérfræðilæknis í stöðu klínísks yfirlæknis, yfirlæknis 1, í hjarta- og brjóstholsskurðlækningum.
Næsti yfirmaður er yfirlæknir sérgreinarinnar.
Starfið felst klínískri vinnu, að annast sérhæfða meðferð og eftirfylgd sjúklinga sérgreinarinnar, í samræmi við vinnuskipulag lækna á sérgreininni ásamt faglegri ábyrgð á skilgreindum verkefnum sem er úthlutað af yfirlækni.
Starfið er 100% starf með helgun á Landspítala, en heimilt er að sinna vísindastarfi eða verkefnum innan stjórnsýslu, í samráði við næsta yfirmann.
Við hjarta- og lungnaskurðlækningar starfa sérfræðilæknar í öflugum þverfaglegum teymum og í nánu samstarfi við aðrar fagstéttir spítalans. Sérgreinin býður upp á líflegt og krefjandi starfsumhverfi og tækifæri til starfsþróunar. Áhersla er lögð á góða þjónustu, virka teymisvinnu og stöðugar umbætur í þágu sjúklinga.
Við tökum vel á móti nýju starfsfólki og veitum góða aðlögun. Starfið er laust nú þegar eða samkvæmt samkomulagi.
Menntunar- og hæfniskröfur
Íslenskt sérfræðileyfi brjóstholsskurðlækningum
Reynsla af kennslu og vísindastörfum
Frumkvæði og metnaður til að ná árangri
Framúrskarandi samskiptahæfni
Sýnir fagmennsku, umhyggju og virðingu í samskiptum
Góð íslensku- og enskukunnátta
Helstu verkefni og ábyrgð
Sérfræðistörf í samráði við yfirlækni sérgreinarinnar, s.s. greining, meðferð og eftirfylgd sjúklinga með vandamál er tengjast brjóstholsskurðlækningum, þ.m.t. vinna á skurðstofu, legudeild, gjörgæslu, göngudeild og samráðskvaðningar við sérgreinar Landspítala og einnig samráðskvaðningar annarsstaðar að af landinu
Þátttaka í vöktum samkvæmt vaktafyrirkomulagi sérgreinarinnar
Leiðir daglega vinnu á einingu/deild í samvinnu við næsta yfirmann
Leiðir faglega þróun innan síns ábyrgðarsviðs í samráði við næsta yfirmann
Þátttaka í gæða- og umbótastarfi innan sérgreinar í samráði við yfirlækni/forstöðulækni
Stuðlar að öflugu vísinda, nýsköpunar - og menntastarfi í samræmi við vísindaáætlun Landspítala
Stuðlar að sí- og endurmenntun lækna sérgreinar/einingar til að mæta þörfum þjónustunnar
