Heilbrigðisgagnafræðingur
Við auglýsum eftir metnaðarfullum heilbrigðisgagnafræðingi sem hefur áhuga á fjölbreyttu og krefjandi starfi á blóðmeinafræðihluta rannsóknakjarna Landspítala. Um er að ræða 80-100% dagvinnustarf sem felur í sér mikil samskipti við lækna, hjúkrunarfræðinga, líffræðinga og lífeindafræðinga.
Á rannsóknakjarna Landspítala starfa um 150 einstaklingar sem vinna að greiningu blóðmeina og lífefnafræðilegri greiningu sjúkdóma allan sólarhringinn. Viðkomandi vinnur fyrst og fremst að þjónustu blóðmeinafræðinnar, þ.m.t. vegna blæðaramiðstöðvar og segavarna Landspítala.
Við leitum eftir þjónustuliprum einstaklingi sem er lausnamiðaður, með framúrskarandi samskiptahæfni og sem á auðvelt með að vinna í teymi. Starfið er laust frá 1. janúar 2027. Vinnutími er umsemjanlegur, á bilinu kl. 08-16 virka daga.
Menntunar- og hæfniskröfur
Íslenskt starfsleyfi sem heilbrigðisgagnafræðingur
Jákvætt viðmót, þjónustulipurð, samskiptahæfni og fagleg framkoma
Stundvísi og áreiðanleiki
Góð tölvufærni (Word, Excel, sjúkraskrárkerfi)
Skipulögð vinnubrögð, frumkvæði í starfi og góð samskiptahæfni
Góð íslensku og enskukunnátta
Helstu verkefni og ábyrgð
Almenn símsvörun á deildinni og viðtalstímastjórnun lækna
Umsjón með trúnaðarupplýsingum, ritun vottorða og annarra gagna
Umsjón með frágangi mergsvara og frumuflæðisjársvara
Umsjón með og skráning í gagnagrunna/greiningarskrár blóðmeinafræðinnar og tilkynningar til Krabbameinsskrár
Ritstjórn og stöðug endurnýjun heimasíðu blóðmeinafræðinnar
Ritaraaðstoð við starf blæðaramiðstöðvar og segavarna Landspítala
Ritaraaðstoð við vísindastarf, viðhaldsmenntun og kennsluefni
Árleg samantekt á starfsemi deildarinnar og vísindastörfum
Önnur verkefni í samráði við yfirlækni