Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Fjölbreytt sumarstörf í Múlaþingi fyrir 18 ára og eldri

Múlaþing leitar að sjálfstæðum, hressum, ábyrgðarfullum og jákvæðum einstaklingum 18 ára og eldri til að starfa við fjölbreytt sumarstörf með börnum og ungmennum sumarið 2025.

Fjölbreytt sumarstörf gefa einstaklingum sveigjanleika og þann kost að kynnast ólíkum sumarstörfum Múlaþings án þess að þurfa að skuldbinda sig við eitt ákveðið verkefni.

Meðal verkefna eru starf flokkstjóra, sláttur og sumarfrístund.

Um er að ræða tímavinnu á virkum dögum.

ATH. upphaflega voru fjölbreytt sumarstörf auglýst 31. janúar 2025 með umsóknarfrest til 16.febrúar 2025. Verið er að vinna úr þeim umsóknum. En þar sem fáar umsóknir bárust var ákveðið að auglýsa aftur. Þeir umsækjendur sem búnir eru að sækja um, þurfa ekki að sækja aftur um hér.

Menntunar- og hæfniskröfur

Sveigjanleiki og færni í mannlegum samskiptum
Frumkvæði og sjálfstæði í starfi
Íslensku- og enskukunnátta
Ökuréttindi eru æskileg
Áhugi á að starfa með börnum og ungmennum
Hreint sakavottorð
18 ára og eldri

Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.

Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Launakjör eru samkvæmt kjarasamningum sveitarfélagsins við viðkomandi stéttarfélags.

Vinnustaðir Múlaþings eru tóbakslausir og fjölskylduvænir.

Tekið er mið af jafnréttisáætlun Múlaþings við ráðningar í störf hjá sveitarfélaginu.

Nánari upplýsingar um störfin veita Jón Kristófer Arnarson, garðyrkjustjóri á netfanginu [email protected] og í síma 854-2428, og Agla Þorsteinsdóttir, forstöðuaðili frístundar á netfanginu [email protected] og í síma 847-3536.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt17. febrúar 2025

Umsóknarfrestur27. febrúar 2025

Tungumálahæfni