Ert þú framtíðar CRM / Microsoft Dynamics 365 sérfræðingur?

Wise leitar að hæfileikaríkum og áhugasömum einstaklingi í vaxandi teymi sérfræðinga. Hjá Wise tekur þú þátt í ráðgjöf og þjónustu tengdum Microsoft Dynamics 365 viðskiptalausnum í skýinu, hefur aðkomu að stafrænum umbreytingaverkefnum og öðrum spennandi þróunarverkefnum, auk þátttöku í vöruþróun fyrir breiðan hóp viðskiptavina í hinum ýmsu atvinnugreinum.

Við leitum að kraftmiklum einstaklingi sem vill þróast í starfi, þrífst vel í umhverfi þar sem lögð er áhersla á samvinnu og hefur ástríðu fyrir hönnun og þróun hugbúnaðarlausna og brennur fyrir tækni. 

Hjá Wise færð þú tækifæri til að

• Læra af reynslumiklum sérfræðingum Wise
• Framkvæma ferla- og þarfagreiningar fyrir viðskiptavini
• Hanna og þróa sérsniðnar skýjalausnir
• Veita ráðgjöf til viðskiptavina
• Innleiða lausnir og veita stuðning við viðskiptavini

Menntunar- og hæfniskröfur

• Menntun á sviði upplýsingatækni eða önnur sambærileg menntun sem nýtist í starfi
• Lausnamiðuð hugsun og rík aðlögunarhæfni
• Góð samskiptahæfni
• Rík þjónustulund
• Áhugi á tækni og þróun
• Frumkvæði í starfi
• Þekking og/eða áhugi á Microsoft Dynamics 365 lausnum
• Þekking og/eða áhugi á Microsoft Power Platform
• Forritunarkunnátta

Reynsla eða þekking á einhverju eftirtöldu er kostur:

• C#
• Javascript
• Typescript
• PowerShell
• Power Apps
• Power Automate
• Notkun á Azure þjónustum

Við hlökkum til að fá umsóknina þína

Tekið er á móti umsóknum til og með 19. janúar 2025. Frekari upplýsingar veita Gunnar Örn Haraldson, Tech Lead 365 (gunnaroh@wise.is) og Harpa Hrund Jóhannsdóttir, á mannauðssviði (harpah@wise.is).