Deildarstjóri Sölu og þjónustu ON
Orka náttúrunnar leitar að framsæknum leiðtoga í hlutverk deildarstjóra Sölu og þjónustu.
Sem deildarstjóri munt þú bera ábyrgð á fjölbreyttum lausnum á einstaklings- og fyrirtækjamarkaði og gegna lykilhlutverki í áherslum ON er varða framlínuþjónustu og sölu.
ON starfar á kvikum samkeppnismarkaði og selur raforku til heimila og fyrirtækja ásamt því að bjóða upp á fjölbreyttar hleðslulausnir með það að markmiði að stuðla að orkuskiptum í samgöngum.
Síðustu sex ár hefur ánægja viðskiptavina ON mælst hæst meðal raforkusala í Íslensku ánægjuvoginni. Þann heiður þökkum við ekki síst því öfluga teymi sem þú munt leiða í hlutverki deildarstjóra Sölu og þjónustu.
Ef þú hugsar í snjöllum lausnum, býrð yfir leiðtogafærni og hefur ástríðu fyrir virðissköpun í þágu viðskiptavina þá gæti þetta verið draumastarfið þitt.
Í hlutverki deildarstjóra felst m.a.:
- Ábyrgð á að leiða framúrskarandi teymi til árangurs
- Dagleg stýring og mannauðsmál með áherslu á valdeflingu og vöxt starfsfólks
- Ábyrgð á sölu- og þjónustulausnum fyrir einstaklinga og fyrirtæki
- Sala á raforku, hleðslulausnum og aðgangi að almenningshleðsluneti ON
- Að innleiða framúrskarandi þjónustustig sem leggur grunn að ánægju viðskiptavina ON
- Áætlunargerð í sölu og þjónustumálum
- Virk þátttaka í almennu starfi, markaðsmálum og stefnumótandi ákvörðunum sviðsins
Við leitum að einstaklingi sem býr yfir:
- Marktækri reynslu af sölu- og/eða þjónustustörfum
- Leiðtogahæfni og reynslu af því að byggja upp markmiðadrifin teymi
- Greiningafærni og hæfni við fjölbreytta framsetningu upplýsinga
- Umbótahugsun og hugmyndaauðgi
- Framúrskarandi samskiptafærni
- Frumkvæði, metnaði og drifkrafti
- Háskólamenntun sem nýtist í starfi
Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.
Íslenska
