Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Viltu ganga til liðs við vélaverkstæði ON?

Við leitum að liðsauka í teymið okkar á vélaverkstæði ON sem sinnir fjölbreyttum og krefjandi verkefnum í rekstri, eftirliti og viðhaldi búnaðar á virkjanasvæðum okkar á Hellisheiði, Nesjavöllum og Andakíl.

Á vélaverkstæðinu starfar samheldin liðsheild að fjölbreyttum umbóta-, nýsköpunar-, framkvæmda- og viðhaldsverkefnum.Ef þú ert með ríka öryggisvitund og býrð yfir umbótahugsun, frumkvæði og útsjónarsemi þá viljum við heyra frá þér.

Boðið er upp á akstur frá höfuðstöðvum ON í Reykjavík, Þorlákshöfn og frá Selfossi/Hveragerði.

Helstu verkefni og ábyrgð

Á meðal helstu verkefna eru rekstur vélbúnaðar, umbótavinna sem miðar að því að hámarka framleiðslugetu virkjana, bilanagreiningar, skráning í viðhaldskerfi, reglubundið viðhald, viðgerðir á vélbúnaði og í gufuveitu.

Menntunar- og hæfniskröfur

Sterk og rík öryggisvitund er skilyrði
Sveinspróf í vélvirkjun
Reynsla af verklegri vinnu
Frumkvæði, lausnarmiðuð hugsun og jákvæðni
Skipulögð-, sjálfstæð- og öguð vinnubrögð
Þekking á DMM viðhaldsstjórnunarkerfinu er kostur

Umsókn um starfið skal fylgja ferilskrá.

Við tökum jafnréttið alvarlegaVið viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 7. september 2025.

Nánari upplýsingar veitir Þór Þórsson, verkstjóri vélaverkstæðis virkjana ON, [email protected].

Um Orku náttúrunnar

Orka náttúrunnar er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

Við framleiðum rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum.

Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt22. ágúst 2025

Umsóknarfrestur7. september 2025

Tungumálahæfni