Aðstoðarrekstrarstjóri
Dropp er með ánægðustu viðskiptavinina á Íslandi samkvæmt Íslensku Ánægjuvoginni 2023. Við setjum viðskiptavininn alltaf í fyrsta sæti og leggjum metnað í að veita góða þjónustu.
Við leitum að öflugum einstaklingi til að ganga til liðs við stækkandi teymi hjá Dropp. Fyrirtækið er að vaxa hratt um þessar mundir og viðkomandi mun fá að kynnast öllum hliðum rekstursins.
Við gerum ekki kröfu um stjórnunarreynslu en starfið felst meðal annars í því að sinna ráðningum, vaktaskipulagi og áætlanagerð og býður því upp á mikil tækifæri fyrir framtíðarstjórnanda.
Við leitum að einstaklingi sem getur hafið störf sem fyrst áður en háannatími netverslunar hefst í nóvember.
Aðstoðarrekstrarstjóri mun vinna náið með rekstrarstjóra og sinna sömu verkefnum og hann. Þeir munu skipta með sér verkefnum sem sum verða unnin í samstarfi þeirra á milli en í öðrum tilfellum mun aðstoðarrekstrarstjóri taka fulla ábyrgð á verkefnum.
Á meðal verkefna eru:
- Ráðningar og þjálfun starfsfólks
- Skipulagning vakta
- Yfirumsjón með þjónustuveri
- Yfirumsjón með flokkunarmiðstöð og akstri
- Áætlanagerð
- Innkaup
- Sjá til þess að allt sé til staðar svo starfsfólk geti sinn sínum störfum, svo sem tæki, bílar, öryggiskerfi, tryggingar, þrif, o.s.frv.
- Samskipti við stærstu viðskiptavini og samstarfsaðila