Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Sjúkraliði í meltingarteymi

Við sækjumst eftir sjúkraliða sem hefur áhuga á spennandi og fjölbreyttri hjúkrun í meltingarteymi Landspítala sem staðsett er á almennri göngudeild 10E við Hringbraut.

Starfshlutfall er 80-100%, eða eftir samkomulagi og er ráðið í starfið sem fyrst eða eftir nánara samkomulagi.

Í meltingarteyminu starfar öflugur hópur fagfólks sem vinnur af miklum áhuga við að efla og þróa þjónustu við sjúklinga með langvinna meltingarsjúkdóma. Teymið sinnir sjúklingum með IBD, næringarslöngu/ hnappa, skorpulifur og aðra meltingarfærasjúkdóma. Þá er hluti starfseminnar á innrennslismóttöku, þar sem m.a. eru gefin líftæknilyf. Einnig fara fram rannsóknir sem meltingarteymið sinnir. Starfið er því afar fjölbreytt og krefjandi og gefur mikla möguleika til starfsþróunar.

Á deildinni er markvisst unnið að umbótum og framþróun, en þar starfar öflugur hópur og einkennist vinnuandinn af samvinnu, metnaði og góðum liðsanda.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

Hjúkrun einstaklinga í samvinnu við aðra fagaðila
Verkefni á innrennslismiðstöð, t.d. mæling lífsmarka, eftirlit með sjúklingum í lyfjagjöfum og fleira sem fylgir starfseminni þar
Sinna samskiptum við sjúklinga í síma og gegnum skilaboð í Heilsugátt
Sinna eftirliti með ferli sjúklinga og farvegi þeirra í sjúklingahópum í Heilsugátt
Bóka sjúklinga í rannsóknir og sinna framkvæmd og aðstoða við framkvæmd þeirra eftir atvikum
Þátttaka í þverfaglegri teymisvinnu
Þátttaka í þróun og umbótum
Stuðla að góðum samstarfsanda

Menntunar- og hæfniskröfur

Íslenskt starfsleyfi sjúkraliða
Jákvætt viðhorf, frumkvæði og samskiptahæfni
Sjálfstæði í vinnubrögðum
Íslenskukunnátta

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraliði, hjúkrun, teymisvinna

Tungumálahæfni: íslenska 3/5

Nánari upplýsingar

Ingibjörg Magnúsdóttir, [email protected], 620-2655

Göngudeild, almenn

Hringbraut

101 Reykjavík

Advertisement published29. September 2025

Application deadline9. October 2025

Language skills

Icelandic

Required

Intermediate

Location

Hringbraut 37-41 37R, 101 Reykjavík

Type of work

Professions

Job Tags

Other jobs (45)

Læknar með vilyrði fyrir tímabundnu lækningaleyfi frá embætti landlæknis