Flataskóli leitar eftir atferlisfræðingi
Flataskóli leitar eftir atferlisfræðingi, skólaárið 2025-2026. Um er að ræða 80-100% starf þar sem unnið er með nemendum. Möguleiki er að hefja störf fyrr ef áhugi er fyrir því.
Í Flataskóla starfa um 300 nemendur í 1. - 7. bekk og um 50 starfsmenn. Þar ríkir faglegur metnaður og námsmenning leiðsagnarnáms er þar leiðandi. Skólinn er einnig Réttindaskóli Unicef og rík áhersla er lögð á jákvæð og uppbyggileg samskipti milli allra aðila skólasamfélagsins.
Gott andrúmsloft, umhyggja og góður námsárangur er sameiginlegur metnaður starfsfólks. Í skólanum er gott samstarf, þar ríkir góður starfsandi og boðið er upp á gott starfsumhverfi.
Sýn Flataskóla er að í skólanum sé ýtt undir seiglu, sjálfstæði, skapandi hugsun, sjálfstjórn og samkennd nemenda og starfsfólks. Námið í skólanum er áhugavert, gerðar eru skýrar væntingar til nemenda og öllum gert kleift að vaxa.
Áhersla á S-in fimm seiglu, sjálfstæði, skapandi hugsun, sjálfstjórn og samkennd á að vera sýnileg í öllu okkar starfi.
- Þjálfun og utanumhald nemenda með hegðunarfrávik
- Gerð áætlana, þjálfun, vinna með félagsfærni og aðlögun námsaðstæðna í samvinnu við fagfólk, stuðningsfulltrúa og foreldra
- Ráðleggja fagfólki varðandi úrræði fyrir nemendur með hegðunarvanda
- Halda utan um skráningu, þjálfun og endurmat nemenda
- Funda reglulega með teymum nemenda til að fara yfir stöðu þeirra t.d. markmið í áætlunum, endurmat og ákvörðun um framvindu þjálfunar
- Atferlisráðgjafamenntun eða önnur sambærileg menntun sem nýtist í starfi
- Íslenskukunnátta á stigi C1 skv. evrópska tungumálarammanum
- Faglegur metnaður og sjálfstæði í vinnubrögðum
- Frumkvæði og góð færni í að starfa í teymi
- Þolinmæði og afbragðs hæfni í mannlegum samskiptum
- Stundvísi og áreiðanleiki
- Reynsla af starfi með nemendum með hegðunarfrávik er æskileg
Icelandic
